இஸ்ரேலின் முன்னாள் பிரதமரும், அமைதிக்கான நோபல் பரிசு பெற்றவருமான சிமோன் பெரோஸ் (93) இன்று காலை  மரணமடைந்தார்.

சிமோன்  பெரோஸ் நவீன் இஸ்ரேலை உருவாக்கியவர்களில்  முக்கியமான ஒருவர். அத்துடன் பாலஸ்தீனத்துடனான நட்புறவு வளர்க்க எடுத்த முயற்சிகளின் காரணமாக, 1994-ஆம் ஆண்டுக்கான  அமைதிக்கான நோபெல் பரிசும் பெற்றவர்.

இரண்டு வாரங்களுக்கு முன்பாக ஏற்பட்ட மாரடைப்பு காரணமாக அவர் மருத்துவமனையில்  அனுமதிக்கப்பட்டார். ஆனால் மூளையில் ஏற்பட்ட ரத்தக் கசிவு காரணமாக அவர் மருந்துகளால் உண்டாக்கப்பட்ட கோமா நிலையில் வைக்கப்பட்டார்.

கொஞ்சம் கொஞ்சமாக உடல் நிலை தேறி வந்த அவர், இன்று காலை 'திடீர்' என மரணம் அடைந்தார்.