அமெரிக்காவில் கரோனா பலி ஒரு லட்சத்து 60 ஆயிரத்தைக் கடந்தது

அமெரிக்காவில் கரோனாவால் உயிரிழந்தவர்களின் எண்ணிக்கை ஒரு லட்சத்து 60 ஆயிரத்தைக் கடந்தது.

உலகம் முழுவதும் கரோனாவால் பாதிக்கப்பட்டவர்களின் எண்ணிக்கை நாளுக்குநாள் அதிகரித்து வருகிறது. குறிப்பாக ஆரம்பம் முதலே அமெரிக்காவில் கரோனா தொற்று அளவு கட்டுப்படுத்தமுடியாத அளவு உயர்ந்து வருகிறது.

இந்நிலையில் ஜான்ஹாப்கின்ஸ் பல்கலைக்கழக வெளியிட்டத் தரவுகளின்படி, அமெரிக்காவில் கரோனாவால் உயிரிழந்தவர்களின் எண்ணிக்கை ஒரு லட்சத்து 60 ஆயிரத்தைக் கடந்தது.

அமெரிக்காவில் தற்போதைய நிலவரப்படி 48 லட்சத்து 81 ஆயிரத்து 974 பேர் கரோனாவால் பாதிக்கப்பட்டுள்ளனர். அமெரிக்காவைத் தொடர்ந்து பிரேசிலில் 29 லட்சத்து 12 ஆயிரத்து 212 பேர் கரோனாவால் பாதிக்கப்பட்டுள்ளனர்.