இஸ்ரேலில் 1100 ஆண்டுகள் பழமையான தங்கநாணயங்கள் கண்டுபிடிப்பு

இஸ்ரேலிய இளைஞர்கள் ஆயிரம் ஆண்டுகளுக்கும் மேலாக களிமண் பானையில் பதுக்கி வைக்கப்பட்டிருந்த நூற்றுக்கணக்கான தங்க நாணயங்களை கண்டுபிடித்துள்ளனர்.

இஸ்ரேலில் 1100 ஆண்டுகளுக்கு முன்பு புதைத்து வைக்கப்பட்டிருந்த தங்க நாணயங்கள் அடங்கிய களிமண் பானையை கண்டுபிடித்த உள்ளூர் இளைஞர்கள் அதனை தொல்பொருள் துறையிடம் ஒப்படைத்தனர்.

"நான் தரையில் தோண்டினேன். நான் மண்ணைத் தோண்டியபோது, ​​மிக மெல்லிய இலைகளைப் போல ஏதோ இருப்பதைக் கண்டேன். மீண்டும் பார்த்தபோது இவை தங்க நாணயங்கள் என அறிந்தேன். இது போன்ற ஒரு சிறப்பு வாய்ந்த பழங்கால புதையலைக் கண்டுபிடிப்பது மிகவும் உற்சாகமாக இருந்தது." என்று புதையலைக் கண்டுபிடித்த இளைஞர்களில் ஒருவரான ஓஸ் கோஹன் கூறினார்.

ஒன்பதாம் நூற்றாண்டின் அப்பாஸிட் கலிபா காலத்திற்கு முந்தைய 24 காரட் 425 தூய தங்க நாணயங்கள் அந்த நேரத்தில் கணிசமான தொகையாக இருந்திருக்கும் என்று தொல்பொருள் ஆணையத்தின் நாணய நிபுணர் ராபர்ட் கூல் தெரிவித்தார்.