பிரபல டைம் இதழின் 2020ஆம் ஆண்டின் தலைசிறந்த மனிதர்களாக அமெரிக்க அதிபராகத் தேர்வு செய்யப்பட்ட ஜோ பைடன் மற்றும் துணை அதிபர் கமலா ஹாரிஸ் ஆகியோர் தேர்வு செய்யப்பட்டுள்ளனர்.

1927ஆம் ஆண்டு முதல் ஒவ்வொரு ஆண்டிற்கும் தலைசிறந்த மனிதர்களின் பட்டியலை டைம் இதழ் வெளியிட்டு வருகிறது. இந்நிலையில் கரோனா முன்களப்பணியாளர்கள், அமெரிக்க அதிபர் டொனால்ட் டிரம்ப் ஆகியோரை பின்னுக்குத் தள்ளி டைம் இதழின் 2020ஆம் ஆண்டுக்கான தலைசிறந்த மனிதர்களின் பட்டியலில் ஜோ பைடன் மற்றும் கமலா ஹாரிஸ் இடம்பெற்றுள்ளனர்.

அமெரிக்காவின் கதையை மாறுகிறது எனக் குறிப்பிடப்பட்டு இருவரும் டைம் இதழின் அட்டைப் படத்தில் இடம்பெற்றுள்ளனர்.

கடந்த ஆண்டு ஸ்வீடனைச் சேர்ந்த சூழலியல் ஆர்வலர் கிரேட்டா தன்பெர்க் தலைசிறந்த மனிதராகத் தேர்வு செய்யப்பட்டது குறிப்பிடத்தக்கது.