அமெரிக்காவில் 2 கோடியை நெருங்குகிறது கரோனா பாதிப்பு 

அமெரிக்காவில் கரோனா பாதித்தோரின் எண்ணிக்கை 2 கோடியை நெருங்கியுள்ளது. 
அமெரிக்காவில் கரோனா பரவல் மீண்டும் வேகமெடுத்துள்ளது. உலகளவில் கரோனா பாதிப்பு மற்றும் பலி எண்ணிக்கையில் அமெரிக்கா முதலிடத்தில் உள்ளது. இதனால் அந்நாட்டு மக்கள் அச்சத்தில் உள்ளனர். 
கடந்த 24 மணிநேரத்தில் புதிதாக 2,29,042 பேருக்கு தொற்று உறுதி செய்யப்பட்டுள்ளதாக ஜான்ஸ் ஹாப்கின்ஸ் பல்கலைக்கழகம் தெரிவித்துள்ளது. இதையடுத்து மொத்த பாதிப்பு எண்ணிக்கை 1,97,45,136ஆக உயர்ந்துள்ளது. 
மேலும் புதிய உச்சமாக கரோனாவுக்கு ஒரேநாளில் 3,744 பேர் பலியாகியுள்ளனர். இதன்மூலம் மொத்த பலி எண்ணிக்கை 3,42,414ஆக உயர்ந்துள்ளது.