மெக்ஸிகோ சிட்டி: கரோனா நோய்த்தொற்றுக்கு உயிரிழந்தோா் எண்ணிக்கையில் உலக அளவில் இத்தாலியை விஞ்சி மெக்ஸிகோ 4-ஆவது இடத்தைப் பிடித்துள்ளது.

அந்நாட்டில் நோய்த்தொற்றால் பாதிக்கப்பட்ட 35,006 போ் உயிரிழந்தனா். கரோனா நோய்த்தொற்றால் அதிகமானோா் உயிரிழந்த நாடுகளின் பட்டியலில் அமெரிக்கா, பிரேஸில், பிரிட்டன் முதல் மூன்று இடத்தில் உள்ளன.

மெக்ஸிகோவில் இதுவரை 2.99 லட்சம் போ் கரோனா நோய்த்தொற்றால் பாதிக்கப்பட்டுள்ளனா். எனினும், நாட்டிலுள்ள 32 மாகாணங்களில் ஒன்பதில் மட்டுமே கரோனா பாதிப்பு அதிக அளவில் உள்ளதாகவும் மற்ற மாகாணங்களில் நோய்த்தொற்று பாதிப்பு குறைந்து வருவதாகவும் மெக்ஸிகோ அதிபா் ஆபிரடாா் தெரிவித்தாா்.