உலகளவில் கரோனா வைரஸ் தொற்றுப் பாதித்தோர் எண்ணிக்கை 84 லட்சத்தைத் தாண்டியுள்ளது. பலி எண்ணிக்கை 4.51 லட்சமாக உயர்ந்துள்ளது.

உலகம் முழுவதும் கரோனா நோய்த் தொற்று கோரத் தாண்டவம் ஆடி வருகிறது. நாளுக்கு நாள் பாதிப்பும், பலி எண்ணிக்கையும் தொடர்ந்து அதிகரித்து வருவது மக்களிடையே பெரும், அதிர்ச்சியையும், பீதியையும் ஏற்படுத்தியுள்ளது. 

உலக அளவில் கரோனா பாதிப்பில் அமெரிக்கா, பிரேசில், ரஷ்யாவை அடுத்து 4 ஆவது இடத்தில் இந்தியா உள்ளது. இந்தநிலையில் உலகளவில் கரோனா வைரஸால் பாதிக்கப்பட்டவர்களின் எண்ணிக்கை 84 லட்சத்தைத் தாண்டியுள்ளது. 

உலகம் முழுவதும் கரோனாவால் 84,06,195 பேர் பாதிக்கப்பட்டுள்ள நிலையில், 4,51,387 பேர் மரணம் அடைந்துள்ளனர். 44,15,875 பேர் குணமடைந்துள்ளனர்.

அமெரிக்காவில் அதிகபட்சமாக 22,34,471 பேர் பாதிக்கப்பட்டுள்ள நிலையில் 1,19,941 பேர் பலியாகியுள்ளனர். அமெரிக்காவை அடுத்து பிரேசிலில் 9,60,309 பேரும், ரஷ்யாவில் 5,53,301 பேரும் தொற்று நோய்க்குப் பாதிக்கப்பட்டுள்ளனர்.  இந்தியாவில் 3,67,264 பேர் பாதிக்கப்பட்டுள்ளனர், 12,262 பேர் பலியாகியுள்ளனர்.