வார்சா: போலந்தில் கரோனாவால் பாதிக்கப்பட்டவர்களின் எண்ணிக்கை புதன்கிழமை 40 லட்சத்தைத் தாண்டியது.

அந்த நாட்டில் கடந்த 24 மணி நேரத்தில் மட்டும் 18,021 பேருக்கு கரோனா உறுதி செய்யப்பட்டது. அதையடுத்து, நாட்டில் அந்த நோயால் பாதிக்கப்பட்டவர்களின் எண்ணிக்கை 40,00,270-ஆக உயர்ந்துள்ளது.

இதுதவிர, கரோனாவால் பாதிக்கப்பட்டிருந்த மேலும் 775 பேர் சிகிச்சை பலனின்றி உயிரிழந்ததையடுத்து, ஒட்டுமொத்த கரோனா பலி எண்ணிக்கை 92,829-ஆக உயர்ந்துள்ளது. தற்போது கரோனாவுக்கு சிகிச்சை பெற்று வரும் 4,23,089 பேரில் 2,053 பேரது உடல்நிலை கவலைக்கிடமாக உள்ளது என புள்ளிவிவரங்கள் தெரிவிக்கின்றன.