உலகின் மூத்த வயதுடைய மூதாட்டி இன்று (ஜன.3) தனது 119-வது பிறந்தநாளைக் கொண்டாடினார். ஜப்பானைச் சேர்ந்த இவர் 1903-ஆம் ஆண்டு பிறந்தார். 

ஜப்பான் நாட்டின் ஃபுகுவோகா நகரில் முதியோருக்கான சிறிய தனியார் மருத்துவ காப்பகத்தில் கேன் டனாகா என்ற மூதாட்டி இன்று தனது 119-வது பிறந்தநாளைக் கொண்டாடினார். 

படிக்க | பிரிட்டன் பள்ளிகளில் கட்டாய முகக் கவசம்

இவர் 1903-ஆம் ஆண்டு ஜனவரி 3-ஆம் தேதி பிறந்தார். இதனால் இவர் தற்போது உலகின் மிக வயதான மூத்த மனிதராக உள்ளார். 2019-ஆம் ஆண்டு உலகின் மூத்த மனிதர் என்ற கின்னஸ் சாதனை புத்தகத்திலும் இவர் இடம் பெற்றுள்ளார். 

கேன் டனாகா பிறந்த ஆண்டுதான் ரைட் சகோதரர்கள் விமானத்தை வெற்றிகரமாக சோதனை செய்து முடித்த ஆண்டு என்பதால், இவர் உள்ளூர் மக்களால் அதிருஷ்டப்பெண்ணாகப் பார்க்கப்படுகிறார். 

படிக்க | எல்லை கடந்து வட கொரியா சென்ற தென் கொரிய நபா்

வயது மூப்பின் காரணமாக சைகையின் மூலம் மட்டுமே தற்போது பேசி வருகிறார். புதிர் விளையாட்டுகளில் (puzzles) அதிக அளவு நேரத்தை செலவிட்டு வருகிறார். 

இதற்கு முன்பு உலகின் மூத்த மனிதராக பிரான்ஸ் நாட்டைச் சேர்ந்த ஜென்னி லூயிஸ் கால்மெட் இருந்தார். அவர் தனது 122வது வயதில் உயிரிழந்தார்.