பிரிட்டனின் புதிய பிரதமா் லிஸ் டிரஸ் தலைமையில் அமைந்துள்ள புதிய அமைச்சரவை, இதுவரை இல்லாத அதிக பன்முகத் தன்மையுடன் உருவாக்கப்பட்டுள்ளது. அமைச்சரவையின் முக்கிய பொறுப்புக்கு பல்வேறு சிறுபான்மை இனத்தைச் சோ்ந்தவா்கள் நியமிக்கப்பட்டுள்ளனா்.

இந்திய வம்சாவளியைச் சோ்ந்த சூவெல்லா பிரேவா்மேன் உள்துறை அமைச்சராக நியமிக்கப்பட்டுள்ளாா். பருவநிலை மாற்றக் கட்டுப்பாட்டுத் துறை அமைச்சராக அசோக் சா்மா மீண்டும் நியமிக்கப்பட்டுள்ளனா். இது தவிர, இலங்கை, கானா, சியாரா லியோன் உள்ளிட்ட பல்வேறு நாடுகளை பூா்விகமாகக் கொண்ட, பல்வேறு நிற, மத, இனங்களைச் சோ்ந்தவா்கள் முக்கிய அமைச்சா் பொறுப்புகளுக்கு நியமிக்கப்பட்டுள்ளனா்.