அமெரிக்காவில் வணிக ஜெட் விமானம் விபத்துக்குள்ளானதில் 6 பேர் பலியானார்கள். 

அமெரிக்காவின் கலிபோர்னியாவில் உள்ள முரியேட்டாவில் சனிக்கிழமை அதிகாலை பிரெஞ்சு பள்ளத்தாக்கு விமான நிலையத்திற்கு அருகே செஸ்னா வணிக ஜெட் விபத்துக்குள்ளானது. இந்த விபத்தில் விமானத்தில் பயணம் செய்த 6 பயணிகளும் சம்பவ இடத்திலேயே பலியானார்கள். 

இதுகுறித்து ஃபெடரல் விமான நிர்வாகம் கூறியதாவது, உள்ளூர் நேரப்படி அதிகாலை 4.15 மணியளவில், லாஸ் வேகாஸில் உள்ள ஹாரி ரீட் சர்வதேச விமான நிலையத்திலிருந்து சான் டியாகோவிற்கு வடக்கே 65 மைல் தொலைவில் விமானம் விபத்துக்குள்ளானது. 

விமானம் வயல்வெளியில் விழுந்ததையடுத்து ஒரு ஏக்கர் தாவரங்களும் தீயில் கருகியது. விபத்தில் பலியானாவர்களின் விவரம் குறித்து எந்த தகவலும் உடனடியாக தெரிவரவில்லை. மேலும் விபத்து குறித்து விசாரணை நடத்தப்படும் என்று தெரிவிக்கப்பட்டுள்ளது.