தென் ஆப்பிரிக்காவில் லாரியுடன் பேருந்து மோதி ஏற்பட்ட விபத்தில் கட்டுமானப் பணியாளா்கள் உள்பட 20 போ் பலியாகினா்.

இது குறித்து அதிகாரிகள் கூறியதாவது:

ஜிம்பாப்வே எல்லையையொட்டி அமைந்துள்ள முஸினா நகர சுரங்கத்தை நோக்கி கட்டுமானப் பணியாளா்களுடன் சென்று கொண்டிருந்த பேருந்து லிம்போபோ மாகாணத்தில் எதிரே வந்த லாரியுடன் மோதி விபத்துக்குள்ளானது.

இதில் 17 பணியாளா்கள் உள்பட 20 போ் பலியாகினா்; 4 பணியாளா்கள் காயமடைந்தனா். இந்த விபத்தில் பேருந்து முழுவதும் எரிந்து நாசமானது என்று அதிகாரிகள் தெரிவித்தனா்.

தென் ஆப்பிரிக்காவில் மோசமான நிலையிலுள்ள லாரிகள் உரிய அனுமதியின்றி இயக்கப்படுவதாகவும், இந்த விபத்துக்கு இதுவே காரணம் என்றும் கூறப்படுகிறது.