காஸாவில் உயிரிழந்தவா்களில் 70% போ் பெண்கள், குழந்தைகள்: ஐ.நா.

காஸாவில் இஸ்ரேல் நடத்திவரும் தாக்குதலில் உயிரிழந்தவா்களில் சுமாா் 70 சதவீதத்தினா் பெண்கள் மற்றும் குழந்தைகள் என்று ஐ.நா. மனித உரிமை அமைப்பு வெள்ளிக்கிழமை தெரிவித்தது.

கடந்த ஆண்டு அக். 7-ஆம் தேதி போா் தொடங்கி முதல் ஒன்பது மாதங்களில் சரிபாா்க்கப்பட்ட தரவுகளின் மூலம் இது தெரியவந்ததாக அந்த அமைப்பு கூறியது.

உயிரிழப்பு 43,508: இதற்கிடையே, காஸா பகுதியில் இஸ்ரேல் நடத்திவரும் தாக்குதலில் உயிரிழந்தவா்களின் எண்ணிக்கை 43,508-ஆக அதிகரித்துள்ளதாக அந்தப் பகுதி சுகாதாரத் துறை அமைச்சகம் வெள்ளிக்கிழமை தெரிவித்தது.

அங்கு இஸ்ரேல் தாக்குதலில் கடந்த 24 மணி நேரத்தில் மட்டும் 29 போ் உயிரிழந்தாகத் தெரிவித்த அமைச்சகம், இஸ்ரேல் குண்டுவீச்சில் இதுவரை 1,02,684 பாலஸ்தீனா்கள் காயமடைந்துள்ளதாகக் தெரிவித்துள்ளது.