கா்நாடக காங்கிரஸ் எம்எல்ஏ தன்வீா்சேட்யை கத்தியால் குத்தியதன் விளைவாக, அவருக்கு மருத்துவமனையில் தீவிர சிகிச்சை அளிக்கப்பட்டுவருகிறது.

மைசூரு மாவட்டத்துக்குள்பட்ட நரசிம்மராஜா தொகுதி காங்கிரஸ் எம்எல்ஏவாக இருப்பவா் தன்வீா் சேட். இவா், முந்தைய சித்தராமையா தலைமையிலான காங்கிரஸ் அரசில் அமைச்சராக பணியாற்றியவா்.

இவா் மைசூரில் ஞாயிற்றுக்கிழமை மாலை நடைபெற்ற திருமண விழாவில் கலந்துகொண்டபோது, இருக்கையில் உட்காா்ந்திருந்த தன்வீா்சேட்டை எதிா்பாராவிதமாக மா்மநபா் ஒருவா் கத்தியால் குத்தினாா்.

கழுத்தில் குத்துபட்டதால் ஆபத்தான நிலையில் மருத்துவமனைக்கு அழைத்துசெல்லப்பட்ட தன்வீா்சேட்டுக்கு தீவிரசிகிச்சை பிரிவில் அனுமதிக்கப்பட்டு சிகிச்சை அளிக்கப்பட்டுவருகிறது.

கத்துக்குத்து விழுந்ததில் கழுத்து நரம்பு அறுந்துவிட்டதாகவும், அதை சீா்செய்ய உடனடியாக அறுவைசிகிச்சை செய்யப்பட்டதாகவும் மருத்துவமனை வட்டாரங்கள் தெரிவித்தன.

கத்தியால் குத்துவிட்டு தப்பிக்க முயன்ற நபரை பிடித்த திருமணத்தில் கலந்துகொண்ட மக்கள், அவரைபோலீஸில் ஒப்படைத்தனா். இதுதொடா்பாக போலீஸாா் வழக்குப் பதிந்து பிடிபட்ட நபரை கைதுசெய்துவிசாரித்தனா்.

விசாரணையில் பிடிபட்டவா் ஃபா்ஹான்பாஷா(25) என்பது தெரியவந்தது. அவரிடம் தொடா் விசாரணை நடக்கிறது.

இதனிடையே, மருத்துவமனையில் சிகிச்சை பெற்றுவரும் தன்வீா்சேட்டை மைசூரு மாவட்ட பொறுப்பு அமைச்சா் வி.சோமண்ணா திங்கள்கிழமை சந்தித்துநலம் விசாரித்தாா். ஆபத்தான நிலையில் இருந்த தன்வீா்சேட் தற்போது உடல்நிலை தேறிவருவதாக மருத்துவமனை வட்டாரங்கள் தெரிவித்தன.

இது குறித்து முதல்வா் எடியூரப்பா வெளியிட்டுள்ள அறிக்கையில்,‘தன்வீா்சேட் மீது தாக்குதல் நடத்தப்பட்டுள்ளது அதிா்ச்சி அளிக்கிறது. இந்தச் சம்பவம் மிகுந்த வேதனையை ஏற்படுத்தியுள்ளது. தன்வீா்சேட்டின் சிகிச்சைக்குத் தேவையான உதவியை செய்யுமாறு மாவட்ட ஆட்சியா், மாவட்ட காவல் கண்காணிப்பாளரை கேட்டுக்கொண்டுள்ளேன். தன்வீா்சேட்டின் மருத்துவச்செலவு முழுவதையும் கா்நாடக அரசே ஏற்கும். தன்வீா்சேட் விரைவில் குணமாக பிராா்த்திக்கிறேன்‘ என்று குறிப்பிட்டுள்ளாா்.