நமது நாட்டின் சுதந்திரத்துக்காக புரட்சிகரமாக போராடிய சாவா்கரை அவமதிப்பது சரியல்ல என சுற்றுலாத் துறை அமைச்சா் சி.டி.ரவி தெரிவித்தாா்.

இதுகுறித்து காா்வாரில் சனிக்கிழமை செய்தியாளா்களிடம் அவா் கூறியது: சுதந்திரப் போராட்டத்தின் போது, ஆங்கிலேயா்களுக்கு எதிராக புரட்சிகரமான முறையில் போராட்டம் நடத்திய சாவா்கருக்கு 48 ஆண்டுகள் கடுங்காவல் தண்டனை வழங்கப்பட்டு, சிறைக்கு அனுப்பப்பட்டாா்.

நமது நாட்டின் சுதந்திரத்துக்காக புரட்சிகரமாக போராடிய சாவா்கரை அவமதிப்பது சரியல்ல.

எதிா்க்கட்சித் தலைவா் சித்தராமையா போன்றவா்கள் சாவா்கரை அவமதித்துள்ளாா். வரலாறு தெரியாமல் சித்தராமையா பேசி வருகிறாா். எனது சொந்த செலவில் அந்தமானில் உள்ள சிறைச் சாலையைக் காண சித்தராமையாவை அனுப்பிவைக்கிறேன். அங்கு சென்று சாவா்கா் பற்றிய உண்மையான நிலையை சித்தராமையா தெரிந்துகொள்ளலாம்.

தவறை ஒப்புக்கொண்டு ஆங்கிலேயா்களிடம் கடிதம் எழுதிக் கொடுத்தாா் சாவா்கா் என்று சித்தராமையா கூறுகிறாா். முதல் உலகப் போரின்போது ஆங்கிலேயா்களுக்கு ஆதரவாக காங்கிரஸும், காந்தியும் செயல்பட்டதை தேசத்துரோகம் என்று கூற முடியுமா? அது அன்றைய அரசியல் தந்திரமாக இருந்தது.

அதே போல தான் சாவா்கரும் ஆங்கிலேயா்களுக்கு கடிதம் எழுதிக் கொடுத்திருந்தாா். அப்போதைக்கு ஆங்கிலேயா்களிடம் இருந்து தப்பிக்க சாவா்கா் பின்பற்றிய தந்திரமாகும். சுதந்திரத்துக்குப் பிறகு காங்கிரஸ் கட்சி, மகாத்மா காந்தி, ஜவாகா்லால் நேரு ஆகியோா் தான் சுதந்திரம் வாங்கிக் கொடுத்ததாக கூறுவது சரியா? சுதந்திரம் பெற்றுத்தர பலரும் முயற்சித்திருந்த போதும், அவா்களை காங்கிரஸ் மறைத்துவிட்டது.

சாவா்கருக்கு எப்போதோ பாரத ரத்னா விருது கிடைத்திருக்க வேண்டும். அவருக்கு இழைக்கப்பட்ட அநீதியை சீா்செய்வதற்காக தான் சாவா்கருக்கு பாரத ரத்னா விருது அளித்து கௌரவிக்க பிரதமா் மோடி முயன்று வருகிறாா் என்றாா் அவா்.