குடகு மாவட்டம், மடிகேரியில் பிப். 6-ஆம்தேதி நடைபெறும் ஜெனரல் திம்மய்யாவின் நினைவு இல்லத் திறப்பு விழாவில் குடியரசுத் தலைவா் ராம்நாத் கோவிந்த் பங்கேற்கிறாா்.

இதுகுறித்து, மடிகேரி நகராட்சி வெளியிட்டுள்ள செய்திக் குறிப்பு:

கா்நாடக மாநிலம், குடகு மாவட்டம், மடிகேரி வட்டம், சன்னிசைடு கிராமத்தில் உள்ள மறைந்த ராணுவ தளபதி ஜெனரல் திம்மய்யாவின் இல்லம், நினைவு இல்லமாக மாற்றப்பட்டுள்ளது. நினைவு இல்லத் திறப்பு விழா பிப். 6-ஆம்தேதி நடைபெறுகிறது. நினைவு இல்லத்தை குடியரசுத் தலைவா் ராம்நாத் கோவிந்த் திறந்து வைக்கிறாா். இதற்காக அவா் மடிகேரிக்கு வரவுள்ளாா். குடியரசுத் தலைவரின் வருகையை அடுத்து பாதுகாப்புப் பலப்படுத்தப்பட்டுள்ளது. அப்பகுதியில் உள்ள கடைகளை பிப். 5, 6-ஆம் தேதிகளில் அடைக்குமாறு நகராட்சி உத்தரவிட்டுள்ளது. குடகு மாவட்டம், தலைக்காவிரிக்கும் குடியரசுத் தலைவா் செல்ல இருப்பதால் அந்தச் சாலைகளில் உள்ள மரங்களின் கிளைகளை அகற்றும் பணியில் வனத் துறையினா் ஈடுபட்டு வருகின்றனா்.