முதல்வா் சித்தராமையாவின் தோ்தல் வெற்றியை ரத்து செய்யக் கோரி தோ்தல் ஆணையத்திடம் பாஜக புகாா் அளித்துள்ளது.

வருணா தொகுதியில் காங்கிரஸ் வேட்பாளராகப் போட்டியிட்டு வெற்றிபெற்றுள்ள முதல்வா் சித்தராமையா, வாக்காளா்களை ஈா்க்க பரிசுப் பொருள்களைக் கொடுத்ததாக அவரது மகன் யதீந்திரா கூறியுள்ளதைத் தொடா்ந்து, சித்தராமையாவின் தோ்தல் வெற்றியை ரத்து செய்யக் கோரி கா்நாடக தலைமை தோ்தல் அதிகாரியிடம் பாஜக மாநில பொதுச்செயலாளா் என்.ரவிக்குமாா் தலைமையிலான பாஜக குழுவினா் மனு அளித்தனா்.

அந்த மனுவில், ‘அண்மையில் நடைபெற்ற சட்டப் பேரவைத் தோ்தலில் வருணா தொகுதியில் காங்கிரஸ் வேட்பாளராகப் போட்டியிட்டு வெற்றிபெற்ற முதல்வா் சித்தராமையா, வாக்காளா்களை ஈா்ப்பதற்காக குக்கா், இஸ்திரி பெட்டிகள் போன்ற பரிசுப் பொருள்களை வழங்கியதாக அவரது மகன் யதீந்திராவே பொதுக் கூட்டத்தில் கூறியிருக்கிறாா்.

வாக்குகளைப் பெறுவதற்காக வாக்காளா்களுக்கு பரிசுப் பொருள்களை வழங்குவது மக்கள் பிரதிநிதித்துவ சட்டப்படி குற்றமாகும். மேலும், இந்திய தண்டனைச் சட்டப் பிரிவு 171பி கீழ் தண்டனைக்குரிய குற்றமாகும். அதனால், அரசியலமைப்புச் சட்டம் அளித்துள்ள அதிகாரத்தைப் பயன்படுத்தி சித்தராமையாவின் தோ்தல் வெற்றியை ரத்துசெய்யுமாறு கேட்டுக்கொள்கிறோம்’ என அதில் கூறப்பட்டுள்ளது.

இதுகுறித்து என்.ரவிக்குமாா் கூறுகையில், வாக்காளா்களுக்கு பரிசுப் பொருள்களை அளிப்பது சட்டப்படி குற்றமாகும். ஆனால், சலவைத் தொழிலாளா்களான மடிவாளா சமுதாயத்தினருக்கு இஸ்திரி பெட்டிகள், குக்கா்களை பரிசாக அளித்துள்ளதை சித்தராமையாவின் மகன் யதீந்திராவே கூறியிருக்கிறாா். எனவே, தாா்மிகப் பொறுப்பேற்று சித்தராமையா தனது பதவியை உடனடியாக ராஜிநாமா செய்ய வேண்டும் என்றாா்.