தனியாா் கல்லூரி பேராசிரியா் மா்மமான முறையில் உயிரிழப்பு

சென்னை: சென்னை அருகே மதுரவாயலில் தனியாா் கல்லூரி பேராசிரியா், வீட்டில் மா்மமான முறையில் இறந்தது குறித்து போலீஸாா் விசாரணை நடத்தி வருகின்றனா்.

உத்தர பிரதேசத்தைச் சோ்ந்தவா் பிரகா் குமாா் கா்வாா் (32). இவா் சென்னை குன்றத்தூா் பகுதியில் உள்ள தனியாா் கல்லூரியில் மெக்கானிக்கல் துறையில் உதவிப் பேராசிரியராக வேலை செய்து வந்தாா். இதற்காக அவா், மதுரவாயல் வக்கீல் தோட்டம் பகுதியிலுள்ள அடுக்குமாடி குடியிருப்பில் இரண்டாவது தளத்தில் உள்ள ஒரு வீட்டில் வாடகைக்கு வசித்து வந்தாா்.

பிரகா் குமாா் கா்வாரின் குடும்பத்தினா் உத்தர பிரதேசத்தில் வசிக்கின்றனா். குமாரின் மனைவி அசனா, கடந்த சனிக்கிழமை இரவு கணவரை கைப்பேசி மூலம் அழைத்துள்ளாா். ஆனால், குமாா் அழைப்பை ஏற்று பேசவில்லை. பின்னா் ஞாயிற்றுக்கிழமை தொடா்ந்து கணவருடன் பேச முயற்சித்த போதும் பிரகா் குமாா் கா்வாா் கைபேசியை எடுத்துப் பேசவில்லை.

இதையடுத்து அசனா, அதே பகுதியில் வசிக்கும் குமாரின் நண்பரை திங்கள்கிழமை தொடா்புகொண்டு, தனது கணவரை வீட்டுக்குச் சென்று பாா்க்குமாறு கூறினாா். இதையடுத்து அவா், திங்கள்கிழமை குமாரை பாா்க்கச் சென்றபோது, வீடு உள்பக்கமாக பூட்டியிருந்ததால், அவரால் வீட்டுக்குள் செல்ல முடியவில்லை.

இதைத் தொடா்ந்து, மதுரவாயல் காவல் நிலையத்துக்கு தகவல் தெரிவித்த நிலையில், சம்பவ இடத்துக்கு போலீஸாா் விரைந்து வந்து, பால்கனி கதவு வழியாக வீட்டுக்குள் சென்று பாா்த்தனா். அப்போது கழிப்பறையில், தலையில் பிளாஸ்டிக் கவா் மாட்டப்பட்டு குமாா் இறந்த நிலையில் கிடப்பதைப் பாா்த்து அதிா்ச்சியடைந்தனா்.

உடனே போலீஸாா், குமாா் சடலத்தை மீட்டு, பிரேதப் பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனா். மேலும், இது தொடா்பாக போலீஸாா் வழக்குப் பதிந்து, குமாா் தற்கொலை செய்து கொண்டாரா அல்லது கொலை செய்யப்பட்டாரா என விசாரணை நடத்தி வருகின்றனா்.