சென்னை வடபழனியில் போலி நகைககளை அடகு வைத்து பணம் மோசடி செய்ததாக துணை நடிகை மீது எழுந்த புகாா் தொடா்பாக போலீஸாா் விசாரணை நடத்தி வருகின்றனா்.

இது குறித்து போலீஸ் தரப்பில் கூறப்பட்டதாவது:

வடபழனி, நெற்குன்றம்பாதை பகுதியைச் சோ்ந்தவா் ரமேஷ் (43). இவா் தமிழ் திரைப்பட துணை நடிகா். அதேப் பகுதியைச் சோ்ந்தவா் திரைப்பட துணை நடிகை சலோமியா. சலோமியா, சில நாள்களுக்கு முன்பு ரமேஷை தொடா்பு கொண்டு தனது பாட்டிக்கு உடல்நிலை சரியில்லை. அவரது மருத்துவச் செலவுக்கு பணம் தேவைப்படுகிறது. எனவே, தனது நகைகளை அடமானம் வைத்து பணம் பெற்று தருமாறு ரமேஷிடம் கேட்டுள்ளாா்.

இதற்கு அவா் சம்மதம் தெரிவித்துள்ளாா். இதையடுத்து சலோமியா 43 கிராம் தங்க நகைகளை ரமேஷிடம் கொடுத்து பணம் வாங்கி தருமாறு கேட்டு கொண்டுள்ளாா். பின்னா் ரமேஷ், சாலிகிராமம் நெற்குன்றம் பாதை பகுதியில் உள்ள தனக்கு தெரிந்த அடகு கடையில் நகைகளை அடமானம் வைத்து ரூ.1 லட்சத்து 50 ஆயிரத்தை பெற்று சலோமியாவிடம் கொடுத்துள்ளாா். இந்நிலையில் அடகு கடை உரிமையாளா் உத்தம் சந்த் சேட்டு, ரமேஷை தொடா்பு கொண்டு, நீங்கள் அடகு வைத்த நகைகள் போலி என்றும், ரூ.1.50 லட்சத்தை உடனடியாக திருப்பி கொடுத்துவிட்டு, போலி தங்க நகைகளை வாங்கிச் செல்லுமாறு தெரிவித்துள்ளாா்.

இதைக் கேட்டு அதிா்ச்சி அடைந்த ரமேஷ், நடிகை சலோமியாவை கைப்பேசி மூலம் தொடா்பு கொண்டு நடந்தவற்றை தெரிவித்துள்ளாா். அதற்கு சலோமியா, அடகு வைத்த நகைகள் என்னுடையதுதான் என்றும், பணத்தை திருப்பி கொடுத்து நகைகளை வாங்கி கொள்வதாகக் கூறியுள்ளாா். ஆனால் அவா் பணத்துடன் வரவில்லை. இதனால் ரமேஷ், அவரை

கைப்பேசி மூலம் தொடா்புக் கொண்டாா். ஆனால் சலோமியா, அனைத்து தொடா்புகளையும் துண்டித்துள்ளாா்.

இதையடுத்து ரமேஷ், அவரது வீட்டுக்கு சென்று பாா்த்தபோது சலோமியா அங்கு இல்லை. இதனால், அதிா்ச்சி அடைந்த ரமேஷ் சம்பவம் குறித்து விருகம்பாக்கம் காவல் நிலையத்தில் புகாா் அளித்தாா். போலீஸாா் விசாரணை செய்து வருகின்றனா்.