இந்தியாவில் தயாராகும் 14% ஐ-போன்கள்
ஆப்பிள் நிறுவனம் தனது 14 சதவிகித ஐ-போன்களை இந்தியாவில் தயாரித்து வருகிறது.
ஆப்பிள் நிறுவனம் தனது 14 சதவிகித ஐ-போன்களை இந்தியாவில் தயாரித்துவருகிறது.
இது குறித்து சந்தை வட்டாரங்கள் கூறியதாவது:
இந்தியாவில் ஐ-போன் தயாரிப்பு 1,400 கோடி டாலராக அதிகரித்துள்ளது. அந்த வகையில், ஆப்பிள் நிறுவனத்தின் 7 ஐ-போன்களில் ஒன்று இந்தியாவில் தயாரிக்கப்படுகிறது.
Advertisement
Advertisement
மத்திய அரசு ‘இந்தியாவில் தயாரிப்போம்’ திட்டத்தை அறிமுகப்படுத்தியதில் இருந்து ஆப்பிள் நிறுவனம் இந்தியாவை தனது ஐ-போன்களுக்கான தயாரிப்பு மையமாக்கிவருகிறது.
நாட்டில் ஃபாக்ஸ்கான் போன்ற நிறுவனங்கள் ஐ-போன்களைத் தயாரித்துவருகின்றன. கடந்த மாா்ச் மாதத்துடன் நிறைவடைந்த 2023-24-ஆம் நிதியாண்டில் ஃபாக்ஸ்கான் நிறுவனம் 67 சதவீத ஐ-போன்களையும், பெகாட்ரன் நிறுவனம் சுமாா் 17 சதவீத ஐ-போன்களையும் தயாரிக்கின்றன.
ஐ-போன்கள் தற்போதும் சீனாவில்தான் பெரும்பான்மையாகத் தயாரிக்கப்படுகின்றன. அந்த ரக அறிதிறன் பேசிகளின் மிகப் பெரிய சந்தையாக சீனாதான் திகழ்கிறது.
ஆனால், ஹவாய் போன்ற உள்ளூா் நிறுவனங்களின் போட்டி, பணியிடங்களில் ஐ-போன்களைப் பயன்படுத்துவதற்கு அரசு விதித்துள்ள தடை போன்ற காரணங்களால் அங்கு ஆப்பிள் நிறுவனத்தின் வருவாய் அண்மைக் காலமாக வீழ்ச்சியடைந்துவருகிறது.
இதன் காரணமாக, தனது ஐ-போன் உற்பத்திக்காக இந்தியாவின் பக்கம் ஆப்பிள் நிறுவனம் கவனத்தைத் திருப்பியுள்ளது என்று சந்தை வட்டாரங்கள் தெரிவித்தன.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.