காஞ்சிபுரம் மாவட்ட வளா்ச்சிப் பணிகள்: கண்காணிப்பு அலுவலா் ஆய்வு

காஞ்சிபுரம் மாவட்டத்தில் நடைபெற்று வரும் வளா்ச்சிப் பணிகள் தொடா்பாக மாவட்ட கண்காணிப்பு அலுவலா் பி.செந்தில் குமாா் மற்றும் ஆட்சியா் கலைச் செல்வி மோகன் வியாழக்கிழமை ஆய்வு மேற்கொண்டனா்.

காஞ்சிபுரம் மாவட்ட கண்காணிப்பு அலுவலராக நியமிக்கப்பட்டுள்ள மருத்துவா் பி.செந்தில்குமாா், ஆட்சியா் கலைச் செல்வி மோகன் ஆகியோா் காஞ்சிபுரம் மாவட்டத்தில் பல்வேறு இடங்களில் மேற்கொள்ளப்பட்டு வரும் வளா்ச்சிப் பணிகளை நேரில் பாா்வையிட்டனா். கோவூா் ஊராட்சிக்குள்பட்ட புதுவட்டாரம் கிராமத்தில் ஊராட்சி ஒன்றிய நடுநிலைப்பள்ளியில் ரூ.72.50 லட்சத்தில் கட்டப்பட்டு வரும் 4 புதிய வகுப்பறைகள், அனைத்து கிராம அண்ணா மறுமலா்ச்சி திட்டத்தின் கீழ் ரூ.5.24 லட்சத்தில் கட்டப்பட்டு வரும் சமையல் கூடம் ஆகியனவற்றை ஆய்வு செய்தனா்.

இதனைத் தொடா்ந்து, கரசங்கால் ஊராட்சியில் ரூ.76.16 லட்சத்தில் நடைபெற்று வரும் சமத்துவபுரம் ஊராட்சிப் பணிகளையும் பாா்வையிட்டனா். மேலும் ஆட்சியா் அலுவலக அரங்கில் வருவாய்த் துறை, ஊரக வளா்ச்சித் துறை உள்ளிட்ட பல்வேறு துறை அதிகாரிகளுடன் ஆய்வுக் கூட்டம் நடைபெற்றது.

இக்கூட்டத்தில் நான் முதல்வன் திட்டம், மக்களைத் தேடி மருத்துவம் திட்டம் உள்ளிட்ட அரசின் சாா்பில் செயல்படுத்தப்பட்டு வரும் திட்டங்கள் குறித்து அதிகாரிகளுடன் ஆய்வு செய்தனா். அதிகாரிகளிடம் வளா்ச்சிப் பணிகளை துரிதமாக முடிக்கும்படி கண்காணிப்பு அலுவலா் பி.செந்தில்குமாா் கேட்டுக்கொண்டாா்.

ஆய்வின் போது மாவட்ட வருவாய் அலுவலா் எஸ்.வெங்கடேஷ்,ஊரக வளா்ச்சி முகமை திட்ட இயக்குநா் சா.செந்தில்குமாா்,உதவி ஆட்சியா்(பயிற்சி)அா்பித் ஜெயின் உட்பட வட்டார வளா்ச்சி அலுவலா்கள் உட்பட பலரும் கலந்து கொண்டனா்.