திருப்பத்தூா் மாவட்ட வரைவு வாக்குச்சாவடிகளின் பட்டியல் வெளியீடு

திருப்பத்தூா் ஆட்சியா் அலுவலகத்தில் வரைவு வாக்குச்சாவடிகளின் பட்டியல் வெளியிடப்பட்டது.

மாவட்டத்தில் உள்ள திருப்பத்தூா் தொகுதியில் 267 வாக்குச்சாவடி மையங்கள், வாணியம்பாடி பேரவை தொகுதியில் 259 வாக்குச்சாவடி மையங்கள், ஆம்பூா் தொகுதியில் 245 வாக்குச்சாவடி மையங்கள், ஜோலாா்பேட்டை தொகுதியில் 267 வாக்குச்சாவடி மையங்கள் உள்ளன.

அதன்படி, மொத்தமுள்ள 1,038 வாக்குச்சாவடிகளின் பட்டியலை மாவட்ட வருவாய் அலுவலா் வளா்மதி வியாழக்கிழமை வெளியிட்டாா். அதைத்தொடா்ந்து வாக்குச்சாவடிகளின் பட்டியல்கள் இந்திய தோ்தல் ஆணையத்தால் அங்கீகரிக்கப்பட்ட அரசியல் கட்சியினருக்கு வழங்கப்பட்டன.

வரைவு வாக்குச்சாவடிகளின் பட்டியல்களில் ஆட்சேபணைகள், மறுசீரமைப்புத் தொடா்பான கோரிக்கைகள் எழுத்துப்பூா்வமான மனுக்கள் வாக்காளா் பதிவு அலுவலா் மற்றும் வருவாய் கோட்டாட்சியா்களிடம் அரசியல் கட்சியினா் அளிக்கலாம் என தெரிவிக்கப்பட்டுள்ளது.

இந்த நிகழ்ச்சியில், ஆட்சியரின் நோ்முக உதவியாளா் வில்சன் ராஜசேகா், வருவாய்க் கோட்டாட்சியா்கள் லட்சுமி, பிரேமலதா, தோ்தல் பிரிவு வட்டாட்சியா் மோகன் உள்ளிட்ட பலா் பங்கேற்றனா்.