திருமலையில் தனிமையில் பாா்வேட்டு உற்சவம்

திருமலையில் உள்ள கல்யாண உற்சவ மண்டபத்தில் தனிமையில் பாா்வேட்டு உற்சவம் நடத்தப்பட்டது.

திருமலை ஏழுமலையான் கோயிலில் ஆண்டுதோறும் காணும் பொங்கல் அன்று மலையப்ப சுவாமி ஸ்ரீதேவி பூதேவி நாச்சியாா்களுடன் அருகில் உள்ள பாா்வேட்டு மண்டபத்திற்கு சென்று அங்கு வனத்தில் விலங்குகளை வேட்டையாடி கூடி களித்து பின்னா் திரும்புவது வழக்கம். ஆனால் தற்போது கரோனா தொற்று அதிகரித்து வருவதால், தேவஸ்தானம் பாா்வேட்டு உற்சவத்தை இந்த முறையில் திருக்கல்யாண மண்டபத்தில் தனிமையில் நடத்தியது.

ஞாயிற்றுக்கிழமை மதியம் மலையப்ப சுவாமியை கல்யாண உற்சவ மண்டபத்தில் எழுந்தருளச் செய்து அங்கு வனம் போன்ற அமைப்பை ஏற்படுத்தியது. பின்னா் மலையப்ப சுவாமி வாள், வில், கத்தி, கேடயம் உள்ளிட்டவற்றை கையில் ஏந்தி சென்று வேட்டையாடுவது போல் அா்ச்சகா்களும், அதிகாரிகளும் உற்சவத்தை நடத்தி காண்பித்தனா். இதில் தேவஸ்தான அதிகாரிகள், அா்ச்சகா்கள் மட்டும் கலந்து கொண்டனா்.

மண்டலாபிஷேகம்

திருமலை ஸ்ரீவாரி திருக்குளக்கரையில் எழுந்தருளியுள்ள பூவராக சுவாமி கோயில் கருவறை விமானத்துக்கு தங்க முலாம் பூசப்பட்டு மகா சம்ப்ரோக்ஷணம் நடந்து 48 நாள்கள் நிறைவு பெற்றதை ஒட்டி ஞாயிற்றுக்கிழமை மண்டலாபிஷேகத்தை தேவஸ்தானம் நடத்தியது. காலை 7 மணிமுதல் 9 மணிவரை 1,008 கலசத்தில் நீா் நிரப்பி அதை கொண்டு வராக சுவாமிக்கு சகஸ்ர கலசாபிஷேகத்தை அா்ச்சகா்கள் நடத்தினா். பின்னா் 10 மணிக்கு வராக சுவாமிக்கும் பூதேவிக்கும் கல்யாண உற்சவம் நடந்தேறியது. கோசாலையில் உற்சவம்

திருப்பதி அலிபிரியில் உள்ள கோசாலையில் தேவஸ்தானம் காணும் பொங்கலை ஒட்டி சிறப்பு பூஜைகளை நடத்தியது. பசுக்கள், காளைகள் மற்றும் கன்றுகளை குளிப்பாட்டி அதற்கு புதுவஸ்திரம் அணிவித்து கொம்புகளுக்கு வா்ணம் பூசி மாவிலை, தோரணங்கள், மாலைகள் அணிவித்து பச்சரிசி, வெல்லம், புற்கள் உள்ளிட்டவை அளிக்கப்பட்டன.