13 ஆசிரிய-ஆசிரியைகளுக்கு நல்லாசிரியா் விருது: திருவண்ணாமலை ஆட்சியா் வழங்கினாா்

திருவண்ணாமலை மாவட்டத்தைச் சோ்ந்த 13 ஆசிரிய-ஆசிரியைகளுக்கு நல்லாசிரியா் விருதுகளை மாவட்ட ஆட்சியா் பா.முருகேஷ் வழங்கினாா்.

மாவட்டத்தில் சிறப்பாகப் பணியாற்றிய 13 ஆசிரிய-ஆசிரியைகள் தமிழக அரசு வழங்கும் நல்லாசிரியா் விருதான டாக்டா் ராதாகிருஷ்ணன் விருதுக்கு தோ்வு செய்யப்பட்டனா். இவா்களுக்கான விருது வழங்கும் நிகழ்ச்சி செவ்வாய்க்கிழமை மாலை மாவட்ட ஆட்சியா் அலுவலகத்தில் நடைபெற்றது.

நிகழ்ச்சிக்கு மாவட்ட வருவாய் அலுவலா் இரா.முத்துக்குமாரசாமி தலைமை வகித்தாா்.

கூடுதல் ஆட்சியா் மு.பிரதாப், முதன்மைக் கல்வி அலுவலா் (கூடுதல் பொறுப்பு) கோ.கிருஷ்ணப்பிரியா ஆகியோா் முன்னிலை வகித்தனா்.

மாவட்ட ஆட்சியா் பா.முருகேஷ் சிறப்பு அழைப்பாளராகக் கலந்து கொண்டு டாக்டா் ராதாகிருஷ்ணன் விருதுக்கு தோ்வு செய்யப்பட்ட 13 ஆசிரிய-ஆசிரியைகளுக்கு பாராட்டுச் சான்றிதழ், வெள்ளிப் பதக்கம், தலா ரூ.10 ஆயிரம் ரொக்கம் ஆகியவற்றை வழங்கினாா்.

13 ஆசிரிய-ஆசிரியைகள்:

நல்லாசிரியா் விருது பெற்ற கீழ்க்குப்பம் அரசு உயா்நிலைப் பள்ளி தலைமை ஆசிரியா் சீ.கிருபானந்தம், வேட்டவலம் அரசு மகளிா் மேல்நிலைப் பள்ளி பட்டதாரி தமிழ் ஆசிரியா் அ.முருகையன், கண்ணமங்கலம் அரசு ஆண்கள் மேல்நிலைப் பள்ளி பட்டதாரி ஆசிரியா் (ஆங்கிலம்) து.விஜயலட்சுமி, குப்பநத்தம் அரசு உயா்நிலைப் பள்ளி பட்டதாரி ஆசிரியா் இரா.தமிழ்கனி, மல்லவாடி அரசு மகளிா் மேல்நிலைப் பள்ளி பட்டதாரி ஆசிரியா் (கணிதம்) கி.முருகன், வந்தவாசி அரசு ஆண்கள் மேல்நிலைப் பள்ளி பட்டதாரி ஆசிரியா் (அறிவியல்) ம. ரகு, செங்கத்தை அடுத்த மண்மலை ஊராட்சி ஒன்றிய நடுநிலைப் பள்ளி தலைமை ஆசிரியா் ஜே.ஜேம்ஸ் எட்வா்ட்தாஸ், ஜவ்வாதுமலை ஒன்றியம், கூட்டாத்தூா் ஊராட்சி ஒன்றிய நடுநிலைப் பள்ளி தலைமை ஆசிரியா் ஜெயரந்தாமன், சு.வாளவெட்டி ஆதிதிராவிடா் நடுநிலைப் பள்ளி தலைமை ஆசிரியா் து.மோகன்ராஜ், துரிஞ்சாபுரம் ஒன்றியம், காட்டுவானத்தம் ஊராட்சி ஒன்றிய தொடக்கப் பள்ளி தலைமை ஆசிரியா் கோ.சேட்டு, தண்டராம்பட்டு ஒன்றியம், ந.மோட்டூா் ஊராட்சி ஒன்றிய தொடக்கப் பள்ளி தலைமை ஆசிரியா் இரா.அசோகன், துரிஞ்சாபுரம் ஒன்றியம், கீழாத்தூா் ஊராட்சி ஒன்றிய தொடக்கப் பள்ளி தலைமை ஆசிரியா் மூ.கேசவன், செய்யாறு இந்தோ அமெரிக்கன் மெட்ரிக் மேல்நிலைப் பள்ளி தமிழ் ஆசிரியா் க.கோவேந்தன் ஆகியோா் மாவட்ட ஆட்சியா் பா.முருகேஷுக்கு நன்றி தெரிவித்தனா்.

விழாவில், பள்ளி துணை ஆய்வாளா் குமாா் மற்றும் கல்வித் துறை அதிகாரிகள் பலா் கலந்து கொண்டனா்.