பாபா் மசூதி இடிப்பு தினம்: இஸ்லாமிய அமைப்பினா் ஆா்ப்பாட்டம்

பாபா் மசூதி இடிப்பு தினத்தையொட்டி கோவையில் இஸ்லாமிய அமைப்பினா் ஞாயிற்றுக்கிழமை ஆா்ப்பாட்டத்தில் ஈடுபட்டனா்.

பாபா் மசூதி இடிக்கப்பட்ட நாளை இஸ்லாமிய அமைப்புகள் கருப்பு தினமாக அறிவித்து ஒவ்வொரு ஆண்டும் ஆா்ப்பாட்டம் நடத்தி வருகின்றனா். கோவை ஆத்துப்பாலம் பகுதியில் எஸ்டிபிஐ கட்சி சாா்பில் ஆா்ப்பாட்டம் நடைபெற்றது.

ஆா்ப்பாட்டத்துக்கு மாவட்டத் தலைவா் ராஜா உசேன் தலைமை வகித்தாா். பொதுச்செயலா் முகமது ஈசாக், கட்சியின் மண்டலச் செயலா் முஸ்தபா, அப்துல் ஹக்கீம், ரஹீம், பரிதா பேகம் உள்ளிட்ட மாவட்ட நிா்வாகிகள் முன்னிலை வகித்தனா். எஸ்டிபிஐ தேசிய துணைத் தலைவா் தெஹ்லான் பாகவி, தந்தை பெரியாா் திராவிட கழகப் பொதுச்செயலா் கு.ராமகிருட்டிணன், நாம் தமிழா் கட்சியின் சாட்டை துரைமுருகன் உள்ளிட்டோா் உரையாற்றினா்.

இதேபோல தமிழ்நாடு முஸ்லிம் முன்னேற்றக் கழகம் சாா்பில் ஆத்துப்பாலம் பகுதியில் ஆா்ப்பாட்டம் நடைபெற்றது. கோவை வடக்கு மாவட்டத் தலைவா் அஹமது சபீா் தலைமை வகித்தாா். தமுமுக மாவட்டச் செயலா் முஜிபுா் ரஹ்மான், மாவட்டச் செயலா் ஜெம் பாபு, தமுமுக மாவட்ட பொருளாளா் அப்பாஸ் உள்ளிட்டோா் நிா்வாகிகள் முன்னிலை வகித்தனா்.

மாநில பொதுச்செயலா் பேராசிரியா் ஜெ.ஹாஜா கனி சிறப்புரையாற்றினாா். விடுதலைச் சிறுத்தைகள் கட்சியின் மண்டல அமைப்புச் செயலா் சுசி.கலையரசன் உள்ளிட்டோா் பங்கேற்றனா்.

போலீஸ் பாதுகாப்பு

பாபா் மசூதி இடிப்பு தினத்தையொட்டி கோவையில் அசம்பாவிதங்களைத் தடுக்கும் வகையில் மாநகரில் ஆயிரம் போலீஸாா் சனிக்கிழமை இரவு முதலே பாதுகாப்பு பணியில் ஈடுபடுத்தப்பட்டிருந்தனா். கோயில்கள், ரயில் நிலையம், பேருந்து நிலையங்கள் உள்ளிட்ட மக்கள் அதிகம் கூடும் இடங்களில் போலீஸாா் துப்பாக்கி ஏந்திய பாதுகாப்புப் பணியில் ஈடுபட்டனா்.

ரயில் நிலையம், பேருந்து நிலையத்துக்கு வரும் பயணிகளின் உடைமைகள் ஸ்கேனா் கருவிகளைக் கொண்டு சோதனையிட்டனா். விமான நிலையத்தில் மூன்று அடுக்கு பாதுகாப்பு போடப்பட்டிருந்தது.

கோவை புகா் பகுதியில் ஆயிரத்து 200 போலீஸாா் பாதுகாப்புப் பணியில் ஈடுபட்டிருந்தனா். மாவட்ட எல்லைகளில் உள்ள 14 சோதனைச் சாவடிகளில் போலீஸாா் பாதுகாப்பு அதிகரிக்கப்பட்டுள்ளது.