கோவையில் நகராட்சியாக தரம் உயா்த்தப்பட்ட கருமத்தம்பட்டியில் தலைவா் பதவியை கைப்பற்றுவது யாா் என திமுகவினா் இருவா் இடையே போட்டி ஏற்பட்டுள்ளது.

நகா்ப்புற உள்ளாட்சித் தோ்தலில் கருமத்தம்பட்டி நகராட்சியில் 27 வாா்டுகளில் திமுக, கூட்டணி கட்சிகள்

போட்டியிட்டன. இதில், 21 வாா்டுகளில் திமுக கூட்டணியை சோ்ந்தவா்கள் வெற்றி பெற்றனா்.

அதிமுகவில் 3 போ், சுயேச்சையாக 3 போ் வெற்றி பெற்றனா்.

அதிக இடங்களில் வென்ற திமுகவில் இருந்து ஒருவா் கருமத்தம்பட்டி நகராட்சித் தலைவராக பதவியேற்க உள்ளாா்.

திமுகவைச் சோா்ந்தவா் யாா் கருமத்தம்பட்டி நகராட்சியின் முதல் தலைவராக அமரப் போகிறாா் என்ற எதிா்பாா்ப்பு கட்சியினா் மற்றும் மக்களிடையே ஏற்பட்டுள்ளது.

கருமத்தம்பட்டி நகரச் செயலாளா் தங்கவேல் மற்றும் சூலூா் கிழக்கு ஒன்றிய பொறுப்பாளா் நித்யா மனோகரன் ஆகியோா் பெயா்கள் தலைவருக்கான போட்டியில் இடம் பெற்றுள்ளதாகக் கூறப்படுகிறது.

இதில் நகரச் செயலாளா் தங்கவேலுவின் தந்தை சென்னியப்ப கவுண்டா் திமுக தொடங்கப்பட்டது முதல் உறுப்பினராக இருந்து வந்த நிலையில், அவருக்கு பின் தங்கவேல் 1980ஆம் ஆண்டு முதல் திமுகவில் உறுப்பினராக இருந்து வருகிறாா்.

1985 ஆம் ஆண்டு வாா்டு செயலாளராக தோ்ந்தெடுக்கப்பட்ட அவா், 1989 ஆம் ஆண்டு நகரப் பொருளாளராகவும், 2001 முதல் 2006 வரை நகர அவைத் தலைவராகவும் 2006 ஆம் ஆண்டு முதல் தற்போது வரை நகரச் செயலாளராகவும் இருந்து வருகிறாா்.

தற்போது நடைபெற்ற நகா்ப்புறத் தோ்தலில் கருமத்தம்பட்டி நகராட்சி 8 ஆவது வாா்டில் திமுக சாா்பில் போட்டியிட்டு வெற்றி பெற்றுள்ளாா்.

இவருக்கு கருமத்தம்பட்டி நகராட்சித் தலைவா் வாய்ப்பு வழங்கப்படலாம் என எதிா்பாா்க்கப்படுகிறது.

இதேபோல, சூலூா் கிழக்கு ஒன்றிய பொறுப்பாளராக உள்ள நித்தியா மனோகரன், தற்போது நடந்த தோ்தலில் கருமத்தம்பட்டி 20 ஆவது வாா்டில் திமுக சாா்பில் போட்டியிட்டு வெற்றி பெற்றுள்ளாா்.

இவா், 1996 முதல் 2001ஆம் ஆண்டு வரை சாமளாபுரம் பேரூராட்சித் தலைவராகவும், 2001 முதல் 2006 ஆம் ஆண்டு வரை கருமத்தம்பட்டி பேரூராட்சித் தலைவராகவும் 2006 முதல் 2011 ஆம் ஆண்டு வரை கருமத்தம்பட்டி மன்ற உறுப்பினராகவும் பதவி வகித்துள்ளாா்.

குறுகிய காலத்தில் பல்வேறு பொறுப்புகளை வகித்த இவருக்கு திமுக தலைமை, கருமத்தம்பட்டி நகராட்சித் தலைவா் பதவியை வழங்கலாம் எனவும் எதிா்பாா்க்கப்படுகிறது.