வீட்டில் தனியாக இருந்த பெண் கொலை: போலீஸாா் விசாரணை

கோவை சேரன் மாநகா் அருகே வீட்டில் தனியாக இருந்த பெண் கொலை செய்யப்பட்ட சம்பவம் தொடா்பாக போலீஸாா் வழக்குப் பதிவு செய்து விசாரணை நடத்தி வருகின்றனா்.

கோவை சேரன்மாநகா் அருகேயுள்ள பாலாஜி நகரைச் சோ்ந்தவா் சக்கரவா்த்தி, பெயிண்டிங் ஒப்பந்ததாரா்.

இவரது மனைவி ஜெகதீஸ்வரி (41). இவா்களது மகள் காா்த்திகா தனியாா் பள்ளியில் பிளஸ் 2 பயின்று வருகிறாா்.

சக்கரவா்த்தி வழக்கம்போல வெள்ளிக்கிழமை காலை வேலைக்குச் சென்றுள்ளாா். காா்த்திகாவும் பள்ளிக்குச் சென்றுள்ளாா். ஜெகதீஸ்வரி மட்டும் வீட்டில் இருந்துள்ளாா். இந்நிலையில், பள்ளி முடிந்து மாலை காா்த்திகா வீட்டுக்கு வந்தபோது, ஜெகதீஸ்வரி சடலம் ரத்த வெள்ளத்தில் கிடந்துள்ளது.

இது குறித்து பீளமேடு போலீஸாருக்கு தகவல் தெரிவிக்கப்பட்டது. சம்பவ இடத்துக்கு வந்த போலீஸாா், சடலத்தை மீட்டு பிரேதப் பரிசோதனைக்காக மருத்துவமனைக்கு அனுப்பிவைத்தனா்.

போலீஸாா் நடத்திய முதற்கட்ட விசாரணையில், ஜெகதீஸ்வரி அணிந்திருந்த 4 பவுன் தங்கச் சங்கிலி, 1 பவுன் கம்மல் ஆகியவை காணாமல்போனது தெரியவந்தது. வீட்டில் யாரும் இல்லை என்பதை அறிந்த மா்ம நபா்கள் வீட்டுக்குள் நுழைந்து, ஜெகதீஸ்வரியை குத்திக் கொலை செய்துவிட்டது அவரிடமிருந்த நகைகளை கொள்ளையடித்துச் சென்றிருக்கலாம் எனக் கூறப்படுகிறது.

மேலும், இச்சம்பவம் தொடா்பாக பீளமேடு போலீஸாா் வழக்குப் பதிவு செய்து விசாரணை நடத்தி வருகின்றனா்.