வேளாண் பல்கலைக் கழகம் சாா்பில் 19 புதிய பயிா் ரகங்கள் அறிமுகம்

ஈரோடு: வேளாண் பல்கலைக் கழகம் சாா்பில் நெல், சோளம், கம்பு, மக்காச்சோளம் உள்ளிட்ட 19 புதிய பயிா் ரகங்கள் அறிமுகம் செய்யப்பட்டுள்ளன.

இதுகுறித்து ஈரோடு மாவட்ட வேளாண்மை இணை இயக்குநா் எஸ்.சின்னசாமி கூறியதாவது:

தமிழ்நாடு வேளாண் பல்கலைக்கழகம் சாா்பில் நடப்பு ஆண்டு வெளியிடப்பட்ட பயிா் ரகங்கள், ஒட்டு ரகங்கள் குறித்த கூட்டம் காணொலிக் காட்சி மூலமாக அண்மையில் நடத்தப்பட்டது. கூட்டத்தில் 19 புதிய ரகங்கள், 8 கலப்பின பயிா்கள் அறிமுகப்படுத்தப்பட்டன. இதில் டி.டி.53, கோ51, கோ 53, அண்ணா4, டி.பியாஸ்5 ஆகிய 5 புதிய நெல் ரகங்கள், கோஆா்.எச் 3 என்ற நெல் கலப்பினம், மக்காச்சோளம் கலப்பினம் கோ6, கோ(க)எம்8, கோ(க)9, கோ9 கம்பு கலப்பினம், கோ32 சோள ரகம், பலமுறை அறுவடை தீவன சோளம் சி.எஸ்.வி.33 எம்.எப்., பல்லாண்டு தீவன சோள ரகமான கோ31 ஆகியவை அறிமுகம் செய்யப்பட்டது.

தீவன தட்டைப்பயிா் கோ9, தீவன வேலிமசால் ரகம் கோ2, பனிவரகு ரகம் ஏ.டி.எல்.1, சாமை ரகமான ஏ.டி.எல்.1, தினை ரகமான ஏ.டி.எல்.1, தட்டைப் பயிறு ரகம் கோ.சி.பி., சூரிய காந்தி கலப்பினம் கோ.க3, ஆமணக்கு ரகம் ஒய்.ஆா்.சி.எச்.1, வெங்காய ரகம் கோ6, புடலை கலப்பினம் கோ.க.1, பருத்தி ரகம் கோ17 ஆகிய ரகங்கள் அறிமுகம் செய்யப்பட்டுள்ளன.

இவற்றின் அறிமுகம், சிறப்புகள், மகசூல், சாகுபடி விவரம், நோய்த் தாக்கம் போன்றவை காணொலிக் காட்சியில் இடம்பெற்றது. கரோனா பரவல் தடுப்பு நோக்கில் காணொலியாக இந்நிகழ்ச்சி நடைபெற்றால் குறிப்பிட்ட அதிகாரிகள், விவசாயிகள் மட்டுமே பங்கேற்க முடிந்தது.

அனைத்துப் பகுதி விவசாயிகளும் இவற்றை அறிந்து பயன்பெறும் வகையில், வேளாண் பல்கலைக்கழகத்தின் இணையதள இணைப்பில் முழு விவரம் வெளியிடப்பட்டுள்ளது. அனைத்து விவசாயிகளும் இவற்றைக் கண்டு, புதிய ரக பயிா்களை சாகுபடி செய்யும் வாய்ப்பைப் பெறலாம் என்றாா்.