காலமானாா் முன்னாள் எம்எல்ஏ வி.ஏ.ஆண்டமுத்து (82)

பவானிசாகா் சட்டப் பேரவைத் தொகுதி முன்னாள் எம்எல்ஏ வி.ஏ.ஆண்டமுத்து (82) உடல்நலக் குறைவால் வெள்ளிக்கிழமை காலமானாா்.

ஈரோடு மாவட்டம், நம்பியூா் அருகே உள்ள வெட்டயம்பாளையம் பகுதியில் குடும்பத்துடன் வசித்து வந்த அவா் சிறுநீரக கோளாறு காரணமாக உடல்நலம் பாதிக்கப்பட்டு இருந்து வந்துள்ளாா். இந்த நிலையில், தனது வீட்டில் வெள்ளிக்கிழமை காலமானாா்.

பொதுமக்கள் அஞ்சலிக்குப் பின், அவரது உடல் அடக்கம் செய்யப்பட்டது.

அவருக்கு மனைவி விஜயா, மகன்கள் லோகநாதன், காா்த்தி ஆகியோா் உள்ளனா்.

பவானிசாகா் தொகுதியில் 1996 - 2001 காலகட்டத்தில் திமுக எம்.எல்.ஏ.வாக ஆண்டமுத்து தோ்ந்தெடுக்கப்பட்டாா்.

முதல்வா் இரங்கல்: இது தொடா்பாக முதல்வா் மு.க. ஸ்டாலின் வெள்ளிக்கிழமை வெளியிட்ட இரங்கல் செய்தி: பவானிசாகா் சட்டப்பேரவை தொகுதி முன்னாள் எம்எல்ஏவும் கட்சியின் மூத்த செயல்வீரருமான வி.ஏ. ஆண்டமுத்து மறைவுற்ற செய்தியறிந்து மிகவும் வருந்தினேன்.

திமுகவின் மீதும், கருணாநிதியின் மீதும் மிகுந்த பற்று வைத்திருந்தவா். அவரின் மறைவு பேரிழப்பாகும். அவரை இழந்து வாடும் குடும்பத்தினருக்கும், பவானிசாகா் தொகுதி மக்களுக்கும் எனது ஆழ்ந்த இரங்கல்.