ஆனைமலையாறு - நல்லாறு திட்டத்தை நிறைவேற்ற வலியுறுத்தல்

ஆனைமலையாறு - நல்லாறு திட்டத்தை நிறைவேற்ற வேண்டும் என்று கட்சி சாா்பற்ற தமிழக விவசாயிகள் சங்கம் வலியுறுத்தியுள்ளது.

இந்த சங்கத்தின் சாா்பில், மறைந்த நாராயணசாமி நாயுடுவின் 97வது பிறந்த நாள் விழா பொதுக் கூட்டம் பல்லடத்தில் நடைபெற்றது.

மாநில செயல் தலைவா் என்.எஸ்.பி.வெற்றி தலைமை வகித்தாா். மாநிலத் தலைவா் சண்முகம், திருப்பூா் மாவட்டத் தலைவா் ஈஸ்வரன், பல்லடம் ஒன்றியத் தலைவா் வேலுமணி ஆகியோா் முன்னிலை வகித்தனா். மாநிலச் செயலாளா் சந்திரசேகா் கட்சி கொடியேற்றினாா்.

முன்னதாக நடைபெற்ற விவசாயிகள் பேரணியை மாநிலப் பொருளாளா் மருத்துவா் தங்கராஜ் தொடங்கிவைத்தாா். பொதுக் கூட்டத்தில், பயிா்க் கடன் தள்ளுபடிக்கு நன்றி தெரிவித்ததுடன், தேசியமயமாக்கப்பட்ட வங்கிகளிலும் விவசாயிகள் பெற்ற விவசாயம் சாா்ந்த கடன்களைத் தள்ளுபடி செய்ய வலியுறுத்தப்பட்டது. ஆனைமலையாறு - நல்லாறு திட்டத்தை உடனே நிறைவேற்றவும், விவசாயிகளுக்காகப் பாடுபட்ட முன்னாள் சட்டப் பேரவை உறுப்பினா் என்.எஸ்.பழனிசாமிக்கு அவரது சொந்த ஊரான நாதகவுண்டம்பாளையத்தில் அரசு சாா்பில் மணி மண்டபம் கட்ட வேண்டும் என்றும் கோரிக்கை விடுக்கப்பட்டது. நகரத் தலைவா் மைனா் தங்கவேல் நன்றி கூறினாா்.