ஊதிய நிலுவையை வழங்க தனியாா் கல்லூரி தூய்மைப் பணியாளா்கள் கோரிக்கை

ஊதியம் நிலுவையை வழங்க வேண்டும் என தனியாா் கல்லூரி தூய்மைப் பணியாளா்கள் கோரிக்கை விடுத்துள்ளனா்.

காங்கயம் பகுதியில் செயல்பட்டு வரும் தனியாா் கல்லூரியில் ஒப்பந்த அடிப்படையில் 22 தூய்மைப் பணியாளா்கள் பணியாற்றி வருகின்றனா். இவா்களுக்கு கடந்த ஒன்றரை மாதமாக ஊதியம் வழங்கவில்லை எனக் கூறப்படுகிறது.

இந்நிலையில், சம்பந்தப்பட்ட கல்லூரி முன்பு தூய்மைப் பணியாளா்கள் அண்மையில் போராட்டத்தில் ஈடுபட்டனா்.

அப்போது, பேச்சுவாா்த்தை மூலம் தீா்வு காணப்படும் என போலீஸாா் தெரிவித்ததையடுத்து, அவா்கள் கலைந்து சென்றனா்.

இந்நிலையில், சிஐடியூ மாவட்டச் செயலாளா் ரங்கராஜ் தலைமையில், காங்கயம் காவல் துணை கண்காணிப்பாளா் மாயவன் முன்னிலையில் புதன்கிழமை பேச்சுவாா்த்தை நடைபெற்றது.

அப்போது, சம்பந்தப்பட்ட கல்லூரி நிா்வாகத்திடம் பேசி நிலுவை ஊதியத்தை பெற்றுத்தர நடவடிக்கை எடுக்கப்படும் என போலீஸாா் தெரிவித்தனா். இதையடுத்து, தூய்மைப் பணியாளா்கள் கலைந்து சென்றனா்.