அதிமுக தனிப் பெரும்பான்மையுடன் ஆட்சி அமைக்கும்: பொள்ளாச்சி வி.ஜெயராமன்!

வரும் சட்டப் பேரவைத் தோ்தலில் அதிமுக தனிப் பெரும்பான்மையுடன் ஆட்சி அமைக்கும் என்று பொள்ளாச்சி வி.ஜெயராமன் எம்.எல்.ஏ. கூறினாா்.

திருப்பூா் மாநகா் மாவட்ட ஜெயலலிதா பேரவை சாா்பில், முன்னாள் முதல்வா் ஜெயலலிதா பிறந்தநாள் விழா பொதுக் கூட்டம் திருப்பூா் கேவிஆா் நகரில் வெள்ளிக்கிழமை இரவு நடைபெற்றது.

இக்கூட்டத்துக்கு மாநகா் மாவட்ட ஜெயலலிதா பேரவை செயலாளா் லோகநாதன் தலைமை வகித்தாா். தென்னம்பாளையம் பகுதி செயலாளா் அன்பகம் திருப்பதி முன்னிலை வகித்தாா். மாநகராட்சி எதிா்க் கட்சி கொறடா கண்ணப்பன், மாவட்ட வா்த்தக அணி செயலாளா் பழனிசாமி ஆகியோா் வரவேற்றனா்.

மாநகா் மாவட்டச் செயலாளா் பொள்ளாச்சி ஜெயராமன் பங்கேற்றுப் பேசியதாவது: எடப்பாடி கே.பழனிசாமி தலைமையிலான ஆட்சியில் 11 அரசு மருத்துவக் கல்லூரிகள் தொடங்கப்பட்டன. 6 புதிய மாவட்டங்கள் உதயமாயின. வரும் சட்டப் பேரவைத் தோ்தலில் 210 தொகுதிகளுக்குமேல் வெற்றிபெற்று தனிப் பெரும்பான்மையுடன் அதிமுக ஆட்சி அமைக்கும்.

முதல்வராக எடப்பாடி கே.பழனிசாமி பெறுப்பேற்பாா். திருப்பூா் மாநகராட்சிக் கூட்டத்தில் அதிமுக உறுப்பினா்களை மேயா் தரக்குறைவாக பேசியுள்ளாா். அவா் மன்னிப்பு கேட்க வேண்டும். இல்லையெனில் போராட்டம் நடத்தப்படும் என்றாா்.

இதைத் தொடா்ந்து, அவா் செய்தியாளா்களிடம் கூறுகையில், கொங்கு மண்டலம் அதிமுகவின் இரும்புக் கோட்டை என்பதை வரும் தோ்தலிலும் நிரூபிப்போம். கட்சியில் இருந்து வெளியேறியவா்களால் அதிமுகவுக்கு எந்த இழப்பும் கிடையாது என்றாா்.

இக்கூட்டத்தில், சட்டப் பேரவை உறுப்பினா் கே.என். விஜயகுமாா், கொள்கை பரப்பு துணைச் செயலாளா் கோபி. காளிதாஸ், முன்னாள் சட்டப் பேரவை உறுப்பினா் என்.எஸ்.என்.நடராஜன், இணைச் செயலாளா் சங்கீதா சந்திரசேகா் உள்ளிட்டோா் கலந்துகொண்டனா்.