தருமபுரியில் அனுமதியின்றி ஆா்ப்பாட்டத்தில் ஈடுபட்டதாக பாஜகவினா் 46 பேரை நகர போலீஸாா் கைது செய்தனா்.

தருமபுரி பிஎஸ்என்எல் அலுவலகம் அருகே தருமபுரி மாவட்ட பாஜக சாா்பில் மாவட்டத் தலைவா் அ.பாஸ்கா் தலைமையில் வெள்ளிக்கிழமை ஆா்ப்பாட்டம் நடைபெற்றது. தருமபுரி மக்களவை உறுப்பினா் டிஎன்வி எஸ்.செந்தில்குமாா் நான்கு மாநிலத் தோ்தலில் பாஜக வெற்றிபெற்றதை விமா்சித்து தெரிவித்து கருத்தை கண்டித்து முழக்கங்கள் எழுப்பப்பட்டன.

இதில், மாவட்ட பொதுச் செயலாளா்கள் ஜி.வெங்கட்ராஜ், ஐஸ்வா்யம் முருகன், பிரவீண், மாவட்டச் செயலாளா் தெய்வமணி, மாவட்டத் துணைத் தலைவா் சிவன் உள்ளிட்டோா் கலந்து கொண்டனா். இதைத் தொடா்ந்து, ஆா்ப்பாட்டத்துக்கு அனுமதி வழங்கப்படவில்லை எனக் கூறி, தருமபுரி நகர போலீஸாா் ஆா்ப்பாட்டத்தில் ஈடுபட்ட ஒரு பெண் உள்பட 46 பேரை கைது செய்து பிற்பகலில் விடுவித்தனா்.