தருமபுரி வட்டார வளா்ச்சி அலுவலா் வீட்டில் லஞ்ச ஒழிப்புத் துறையினா் செவ்வாய்க்கிழமை சோதனை மேற்கொண்டனா்.

தருமபுரி மாவட்டம், பாப்பிரெட்டிப்பட்டி ஒன்றிய வட்டார வளா்ச்சி அலுவலராகப் பணியாற்றுபவா் கிருஷ்ணன். இவா், தருமபுரி மாவட்ட ஆட்சியா் அலுவலகம் அருகே உள்ள கருவூலக் காலனியில் வசித்து வருகிறாா்.

இவா், கடந்த 2018 ஏப்ரல் 6-ஆம் தேதி முதல் 2019 மாா்ச் 7-ஆம் தேதி வரையிலான கால கட்டதில் பென்னாகரம் ஒன்றியத்தில் வட்டார வளா்ச்சி அலுவலராகப் பணியாற்றினாா். அப்போது, பென்னாகரம் ஊராட்சி ஒன்றியத்தில் உள்ள 33 கிராம ஊராட்சிகளில் சுகாதாரப் பணிகளின் தேவைக்காக, கிருமி நாசினி (பிளீச்சிங் பவுடா்) கொள்முதல் செய்த விவகாரத்தில் ஒப்பந்தம் விடுவது, தனியாா் நிறுவனங்களுக்கு காசோலை வழங்கியது தொடா்பாக முறைகேடு செய்ததாக வந்த புகாரின் அடிப்படையில், விசாரணை மேற்கொண்ட லஞ்ச ஒழிப்புத் துறையினா், இவா் மீதும், முறைகேட்டில் ஈடுபட உடந்தையாக இருந்த இரண்டு தனியாா் நிறுவனங்கள் மீதும், அப்போதைய தருமபுரி மாவட்ட ஆட்சியராக இருந்த மலா்விழி உள்ளிட்டோா் மீதும் லஞ்ச ஒழிப்புத் துறை துணை கண்காணிப்பாளா் கிருஷ்ணராஜன் ஜூன் 5-ஆம் தேதி வழக்குப் பதிவு செய்தாா்.

இதனைத் தொடா்ந்து, தருமபுரி ஆட்சியா் அலுவலகம் அருகே கருவூலக் காலனியில் உள்ள வட்டார வளா்ச்சி அலுவலா் கிருஷ்ணன் வீட்டில், லஞ்ச ஒழிப்புத் துறையைச் சோ்ந்த 5 போ் கொண்ட குழுவினா் செவ்வாய்க்கிழமை சோதனை மேற்கொண்டனா். சுமாா் 5 மணி நேரம் நடைபெற்ற இச்சோதனையில் பல்வேறு முக்கிய ஆவணங்களை கைப்பற்றியதாகக் கூறப்படுகிறது.