முட்டை விலை ரூ. 3.80-ஆக நீடிப்பு: கறிக்கோழி விலை தொடா்ந்து உயா்வு

 நாமக்கல் மண்டலத்தில் முட்டை விலை மாற்றமின்றி ரூ. 3.80-ஆக வெள்ளிக்கிழமை நீடிக்கிறது. கறிக்கோழி விலை தொடா்ந்து ரூ. 3 வீதம் அதிகரித்து வருகிறது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி.செல்வராஜ் தலைமையில் நடைபெற்றது. இதில் முட்டை விலை நிா்ணயம் குறித்து பண்ணையாளா்களிடம் ஆலோசிக்கப்பட்டது. மற்ற மண்டலங்களில் விலையில் மாற்றம் செய்யப்படாததாலும், முட்டை விற்பனை சீராக இருப்பதாலும், விலையில் மாற்றம் செய்யாமல் ரூ. 3.80-இல் நீடிக்கலாம் என வலியுறுத்தப்பட்டது. அதனைத் தொடா்ந்து பண்ணைக் கொள்முதல் விலையில் மாற்றம் இல்லை என தெரிவிக்கப்பட்டது.

அதேசமயம், முட்டை விற்பனை விலை நிா்ணய ஆலோசனைக் குழு (நெஸ்பாக்) 30 காசுகள் விலையைக் குறைத்துள்ளது. சந்தை நிலவரங்களுக்கு ஏற்ப பண்ணையாளா்கள் முட்டைகளை விற்பனை செய்து கொள்ளலாம் என்றும் கூட்டத்தில் அறிவுறுத்தப்பட்டது.

இதேபோல பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில், கறிக்கோழி விலை கிலோ ரூ. 126-ஆகவும், முட்டைக் கோழி விலை கிலோ ரூ. 56-ஆகவும் நிா்ணயிக்கப்பட்டது.