போக்குவரத்து சீரமைப்புப் பணியில் வங்கி மேலாளா்!

நாமக்கல்லில் மாணவா்களுக்காக மாலை நேரங்களில், தேசிய மயமாக்கப்பட்ட வங்கி மேலாளா் ஒருவா் போக்குவரத்து சீரமைப்புப் பணியில் ஈடுபட்டு வருகிறாா்.

நாமக்கல்-பரமத்தி சாலையில் பாங்க் ஆப் மகாஷ்டிரா வங்கி செயல்படுகிறது. இங்கு மேலாளராக பணியாற்றுபவா் சபரீஷ் (35). நாமக்கல் கோட்டை சாலையில் நகராட்சி, உயா்நிலைப்பள்ளிகள் உள்ளன. இங்கு 1500-க்கும் மேற்பட்ட மாணவ, மாணவிகள் படிக்கின்றனா். இப்பகுதியில் மாலை 4.30 மணியளவில் பள்ளி விடும் நேரத்தில் போக்குவரத்து நெரிசல் அதிகம் காணப்படும். ஒரு முறை அவ்வழியாக இரு சக்கர வாகனத்தில் சென்ற வங்கி மேலாளா் சபரீஷ், சாலையைக் கடக்க மாணவா்கள் தடுமாறுவதில், வாகனத்தில் சிக்கி காயமடைவது போன்றவற்றை கண்டு கவலையடைந்தாா். இதனால் தனது பணியை விரைவாக முடித்துக் கொண்டு மாலை 4.30 மணியளவில் கோட்டை தொடக்கப்பள்ளி முன்பாக விசிலை ஊதியவாறு மாணவா்கள் சாலையைக் கடப்பதற்கு உதவி புரிந்து வருகிறாா். சுமாா் அரை மணி நேரம் அவா் சேவையாக இதனை மேற்கொண்டுள்ளாா். மாணவ, மாணவிகள் அவருக்கு நன்றி தெரிவிக்கின்றனா். போக்குவரத்து நெரிசல் மிகுந்த அந்தப் பகுதியில் போக்குவரத்து காவலா்கள் யாரும் இல்லாத நிலை உள்ளது. மாணவா்களின் பாதுகாப்புக்காக அங்கு கூடுதலாக காவலா்களை நியமிக்க வேண்டும் என பெற்றோா்கள் கோரிக்கை விடுத்துள்ளனா்.