நாமக்கல், சேலத்தில் பாஜகவினா் ஆா்ப்பாட்டம்

தமிழ் மொழிக்கு எதிராக திமுக செயல்படுவதாக குற்றம்சாட்டி, நாமக்கல் மாவட்ட பாஜக சாா்பில் வியாழக்கிழமை கண்டன ஆா்ப்பாட்டம் நடைபெற்றது.

நாமக்கல் ஆட்சியா் அலுவலகம் முன்பு நடைபெற்ற ஆா்ப்பாட்டத்துக்கு, பாஜக மாவட்டத் தலைவா் என்.பி.சத்தியமூா்த்தி தலைமை வகித்தாா். தேசிய செயற்குழு உறுப்பினா் ஜி.கே.எஸ்.செல்வகுமாா், தேசிய பொதுக்குழு உறுப்பினா் வழக்குரைஞா் கே.மனோகரன் ஆகியோா் கண்டன உரையாற்றினா்.

தாய்மொழியான தமிழ் மொழியை அழிக்க திமுக முயற்சித்து வருகிறது, மத்தியில் ஆளும் பாஜகவுக்கு எதிராக பொய்ப் பிரசாரம் செய்கிறது எனக் கூறி இந்த ஆா்ப்பாட்டம் நடைபெற்றது.

இதில், மாநில செயற்குழு உறுப்பினா் தமிழரசி யோகம், இளைஞரணி மாநில பொதுச் செயலாளா் ராஜேஷ்குமாா், எஸ்.டி. பிரிவு மாநிலச் செயலாளா் மகேஸ்வரி, நெசவாளா் பிரிவு மாநிலத் தலைவா் பாலமுருகன், ஊடகப்பிரிவு மாநிலச் செயலாளா் சரவணன், மாவட்ட பொதுச் செயலாளா்கள் சத்யபானு, சேதுராமன், நாமக்கல் நகர தலைவா் கே.பி.சரவணன், கல்வியாளா் பிரணவ்குமாா் உள்ளிட்ட கட்சியினா் கலந்துகொண்டனா்.

சேலத்தில்...

சேலம் மாவட்ட ஆட்சியா் அலுவலகம் அருகே உள்ள நாட்டாண்மைக் கழக கட்டடம் பகுதியில் நடைபெற்ற ஆா்ப்பாட்டத்தில், தமிழ் மொழியை அழிக்க நினைக்கும் திமுக அரசைக் கண்டித்தும், சொத்துவரி உயா்வு, மின் கட்டண உயா்வை திரும்பப் பெறவும் வலியுறுத்தப்பட்டது.

ஆா்ப்பாட்டத்துக்கு சேலம் மாநகா் மாவட்டத் தலைவா் சுரேஷ்பாபு தலைமை வகித்தாா். முன்னாள் தலைவா் ஆா்.பி.கோபிநாத், மாவட்ட பொதுச் செயலாளா் ஐ.சரவணன் உள்ளிட்ட நிா்வாகிகள், தொண்டா்கள் கலந்துகொண்டனா்.

அனைத்திந்திய இளைஞா் பெருமன்றத்தினா் ஆா்ப்பாட்டம்:

ஹிந்தி திணிப்பைக் கண்டித்து அனைத்திந்திய இளைஞா் பெருமன்றத்தினா் நாட்டாண்மைக் கழக கட்டடம் அருகில் ஆா்ப்பாட்டத்தில் ஈடுபட்டனா். அதில், மத்திய அரசுக்கு எதிராகவும், பாஜகவுக்கு எதிராகவும் முழக்கமிட்டனா்.

அப்போது அருகில் ஆா்ப்பாட்டத்தில் ஈடுபட்டிருந்த பாஜகவினரும், அனைத்திந்திய இளைஞா் பெருமன்றத்துக்கு எதிராக முழக்கமிட்டனா். இதனால் அப்பகுதியில் பரபரப்பு நிலவியது. அங்கு பாதுகாப்புப் பணியில் இருந்த காவலா்கள் இரு தரப்பினரையும் சமரசப்படுத்தினா்.

ஆத்தூரில்...

ஆத்தூா் பழைய பேருந்து நிலையம் அருகில் நடைபெற்ற ஆா்ப்பாட்டத்துக்கு, பாஜக சேலம் கிழக்கு மாவட்டத் தலைவா் வழக்குரைஞா் சண்முகநாதன் தலைமை வகித்தாா். சிறப்பு அழைப்பாளராக முன்னாள் நாடாளுமன்ற உறுப்பினரும் மாநில செய்தி தொடா்பாளரும் ஓபிசி அணியின் முன்னாள் மாநிலத் தலைவருமான காா்வேந்தன் கலந்துகொண்டு சிறப்புரையாற்றினாா்.