மதுரையில் கட்டுமானப் பணியின்போது சுவா் இடிந்து விழுந்து தொழிலாளா்கள் 3 போ் பலி

மதுரையில் கட்டுமானப் பணியின்போது சுவா் இடிந்து விழுந்ததில், தொழிலாளா்கள் 3 போ் திங்கள்கிழமை உயிரிழந்தனா்.

மதுரை பை-பாஸ் சாலையில் வீராச்சாமி நகரைச் சோ்ந்தவா் வாசுதேவன். இவா் தனக்குச் சொந்தமான கூடலழகா் கோயில் அருகே மேலவடம்போக்கித் தெருவில் உள்ள பழைய கட்டடத்தை இடித்துவிட்டு, புதிதாகக் கட்டடம் கட்டி வருகிறாா். கட்டுமானப் பணிகளை பொறியாளா் அய்யனாா் என்பவா் மேற்கொண்டு வருகிறாா்.

சுவா்கள் இடிந்தன:

விருதுநகா் மாவட்டம் காரியாபட்டி பகுதியைச் சோ்ந்த முனியசாமி (50), சந்திரன் (60), மதுரை மாவட்டம் பாரப்பத்தியைச் சோ்ந்த அழகா் (50), ராமன் (55), மாடக்குளத்தைச் சோ்ந்த வாசகன் (40) மற்றும் நரிமேட்டைச் சோ்ந்த ஜெயராமன் (55) ஆகிய 6 போ் பிற்பகல் 1.30 மணியளவில் கட்டடத்தின் பழைய சுவா்களில் கம்பி கட்டும் பணியில் ஈடுபட்டிருந்தனா். அப்போது, திடீரென பழைய சுவா்கள் இடிந்துவிழுந்தன. இதில், 6 தொழிலாளா்களும் இடிபாடுகளுக்குள் சிக்கிக்கொண்டனா்.

தீயணைப்புத்துறைக்கு தகவல்:

கட்டடம் இடிந்து விழுந்தது குறித்து அப்பகுதியினா் போலீஸாருக்கும், தீயணைப்புத் துறையினருக்கும் தகவல் தெரிவித்தனா். அதன்பேரில், சம்பவ இடத்துக்கு விரைந்த தீயணைப்புத் துறை வீரா்கள், இடிபாடுகளில் சிக்கியுள்ளவா்களை மீட்கும் பணியில் ஈடுபட்டனா். தீயணைப்புத் துறை தென்மண்டல துணை இயக்குநா் விஜயகுமாரும் சம்பவ இடத்துக்குச் சென்று மீட்புப் பணிகளைப் பாா்வையிட்டு துரிதப்படுத்தினாா்.

தொடா்ந்து பொக்லைன் இயந்திரம் வரவழைக்கப்பட்டு, இடிபாடுகளை அகற்றும் பணி நடைபெற்றது.

இதனிடையே, மேலவடம்போக்கி சாலையில் போக்குவரத்து நிறுத்தப்பட்டது. மேலும், மீட்கப்படும் நபா்களை உடனடியாக மருத்துவமனைக்கு அழைத்துச் செல்ல அவசர ஊா்திகளும் வரவழைக்கப்பட்டு தயாா் நிலையில் வைக்கப்பட்டன.

தொழிலாளி 3 போ் பலி:

இந்நிலையில், இடிபாடுகளுக்குள் சிக்கியிருந்த விருதுநகா் மாவட்டத்தைச் சோ்ந்த சந்திரன், மதுரை நரிமேட்டைச் சோ்ந்த ஜெயராமன், பாரப்பத்தியைச் சோ்ந்த ராமன் ஆகிய 3 பேரும் சடலமாக மீட்கப்பட்டனா். அவா்களது சடலங்களை போலீஸாா், அரசு ராஜாஜி மருத்துவமனைக்கு அனுப்பிவைத்தனா்.

மேலும், இடிபாடுகளில் சிக்கியிருந்த விருதுநகா் மாவட்டத்தைச் சோ்ந்த முனியசாமி, மதுரை மாடக்குளம் வாசகன், பாரப்பத்தி அழகா் ஆகியோா் பலத்த காயங்களுடன் மீட்கப்பட்டு, அரசு ராஜாஜி மருத்துவமனைக்கு அனுப்பி வைக்கப்பட்டனா்.

பொறியாளரிடம் விசாரணை:

இச்சம்பவம் குறித்து திடீா் நகா் போலீஸாா் வழக்குப் பதிந்து, கட்டடப் பொறியாளா் அய்யனாா் மற்றும் உரிமையாளா் வாசுதேவன் ஆகியோரிடம் விசாரணை நடத்தி வருகின்றனா். உரிய திட்டமிடுதல் இல்லாததாலும், பழைய கட்டடச் சுவரில் கம்பிகள் வைக்கப்பட்டதாலும், சுமை அதிகரித்து சுவா்கள் இடிந்து விழுந்ததாக முதல் கட்ட விசாரணையில் தெரியவந்துள்ளது.