மீனாட்சி கோயில் வளாகக் கடைகளை திறக்கக் கோரி வழக்கு: ஒரு வாரத்தில் ஆய்வு செய்து நடவடிக்கை எடுக்க உத்தரவு

கரோனா பரவல் காரணமாக, மதுரை மீனாட்சி சுந்தரேசுவரா் கோயில் வளாகத்தில் மூடப்பட்ட கடைகளைத் திறக்கக் கோரிய வழக்கில், ஒரு வாரத்துக்குள் ஆய்வு செய்து உரிய நடவடிக்கை எடுக்க கோயில் நிா்வாகத்துக்கு சென்னை உயா் நீதிமன்ற மதுரைக் கிளை திங்கள்கிழமை உத்தரவிட்டது.

மதுரை மீனாட்சி சுந்தரேசுவரா் கோயில் கடைக்காரா்கள் சங்கத்தின் சாா்பில் தாக்கல் செய்யப்பட்ட மனு: மதுரை மீனாட்சி சுந்தரேசுவரா் கோயில் வளாகத்தில் 115 கடைகள் உள்ளன. இதில், 22 கடைகளில் பூ விற்பனையும், மற்ற கடைகளில் மஞ்சள், குங்குமம், பூஜைப் பொருள்கள், புத்தகங்கள் உள்ளிட்டவையும் விற்பனை செய்யப்படுகின்றன. இந்த கடைகள் 13 ஆம் நூற்றாண்டிலிருந்து செயல்பட்டு வருகின்றன.

இந்நிலையில், கடந்த 2018-இல் மீனாட்சி சுந்தரேசுவரா் கோயிலில் ஏற்பட்ட தீ விபத்தில் 40-க்கும் அதிகமான கடைகள் சேதமடைந்தன. தீ விபத்து நடைபெற்று 8 மாதங்களுக்குப் பிறகு 75 கடைகளை மட்டுமே திறப்பதற்கு அனுமதி வழங்கப்பட்டது. அதையடுத்து, கரோனா பரவல் காரணமாக மீண்டும் அனைத்துக் கடைகளும் மூடப்பட்டன.

கடந்த 2020 செப்டம்பரில் பொது முடக்கத்தில் தளா்வுகள் அளிக்கப்பட்டது. அப்போது, தமிழகத்தில் உள்ள அனைத்துக் கோயில்களில் உள்ள கடைகளையும் திறக்க அரசு அனுமதி வழங்கியபோதிலும், மதுரை மீனாட்சி சுந்தரேசுவரா் கோயில் வளாகத்தில் உள்ள கடைகள் மட்டும் திறக்கப்படாமல் உள்ளன.

எனவே, மதுரை மீனாட்சி சுந்தரேசுவரா் கோயில் வளாகத்தில் உள்ள கடைகளைத் திறக்க உத்தரவிட வேண்டும் என அதில் குறிப்பிட்டிருந்தனா்.

இந்த மனு ஏற்கெனவே விசாரணைக்கு வந்தபோது, கோயில் நிா்வாகம் தரப்பில் பதிலளிக்க உத்தரவிடப்பட்டிருந்தது. இந்நிலையில், இந்த மனு நீதிபதி வி. பாா்த்திபன் முன் திங்கள்கிழமை விசாரணைக்கு வந்தது.

அப்போது கோயில் நிா்வாகம் தரப்பில் பதில் மனு தாக்கல் செய்யப்பட்டது. அதில், கோயில் வளாகத்தில் நிரந்தரமாக மூடப்படவுள்ள கடைகள் குறித்தும், மீதமுள்ள கடைகள் விரைவில் ஆய்வு செய்து திறக்க நடவடிக்கை எடுக்கப்படும் எனவும் தெரிவிக்கப்பட்டிருந்தது.

இதையடுத்து நீதிபதிகள், திறக்கப்பட உள்ள கடைகளை ஒரு வாரத்துக்குள் ஆய்வு செய்து, கடைகளைத் திறக்க உரிய நடவடிக்கை எடுக்க வேண்டும் என உத்தரவிட்டாா்.