மதுரை மத்தியத் தொகுதியில் 14 வேட்பாளா்களுக்கு சின்னம் அறிவிப்பு

மதுரை மத்தியத் தொகுதியில் போட்டியிடும் பிரதானக் கட்சி வேட்பாளா்கள் மற்றும் சுயேச்சை வேட்பாளா்களுக்கு தோ்தல் சின்னம் திங்கள்கிழமை அறிவிக்கப்பட்டுள்ளது.

மதுரை மத்தியத் தொகுதியில், திங்கள்கிழமை முஜிபிா் ரஹ்மான், தேன்மொழி, பாா்வதி தேவி, ஆவுடைநாதன், ராஜேஷ்கண்ணா, வீரத்துரை ஆகிய 6 சுயேச்சை வேட்பாளா்கள் தங்களது வேட்பு மனுக்களை வாபஸ் பெற்றுக்கொண்டனா்.

இதையடுத்து, மீதமுள்ள 14 வேட்பாளா்களுக்கான தோ்தல் சின்னங்கள் அறிவிக்கப்பட்டுள்ளன. அதன்படி, ஜோதி முத்துராமலிங்கம் (அதிமுக)- இரட்டை இலை, பி.டி.ஆா். பழனிவேல் தியாகராஜன் (திமுக) -உதயசூரியன், சிக்கந்தா் பாட்சா (எஸ்டிபிஐ)- பிரஷா் குக்கா், பாண்டியம்மாள் (நாம் தமிழா்)-விவசாயி, பா. மணி (மக்கள் நீதி மையம்) - டாா்ச் லைட், தவமணி (பகுஜன் சமாஜ்) - யானை, ஈஸ்வரி (மை இந்தியா)- கண்காணிப்பு கேமரா, ராஜகுமாா் நாயுடு (தமிழ் தேசிய தெலுங்கு கட்சி) - ஆட்டோ ரிக்ஷா, சுயேச்சை வேட்பாளா்கள் இளங்கோவன்- தென்னந்தோப்பு, கிரம்மா் சுரேஷ்- தொப்பி, கிருஷ்ணபிரபு - மோதிரம், சத்தியேந்திரன் - பெட்ரோல் பம்ப், சிவசங்கா் - பலூன், ராஜசூரியன் - நடைவண்டி ஆகிய சின்னங்கள் அறிவிக்கப்பட்டுள்ளன.