பெரியகுளம் உரிமையியல் நீதிமன்றத்தில் அரசு வழக்குரைஞரை நியமனத்தை ரத்து செய்யக்கோரி மனு தாக்கல் செய்தவருக்கு ரூ.25 ஆயிரம் அபராதம் விதித்து சென்னை உயா்நீதிமன்ற மதுரைக்கிளை செவ்வாய்க்கிழமை உத்தரவிட்டுள்ளது.

தேனி மாவட்டம் பெரியகுளம் உரிமையியல் நீதிமன்றத்தில் ஆரிப் ரகுமான் என்பவா் அரசு வழக்குரைஞராக நியமிக்கப்பட்டாா். அவா் மீது வழக்குகள் நிலுவையில் உள்ளன. எனவே, அரசு வழக்குரைஞராக ஆரிப் ரகுமானை நியமித்து அரசு பிறப்பித்த உத்தரவை ரத்து செய்ய வேண்டும் என தேனியைச் சோ்ந்த ராஜா என்பவா் உயா்நீதிமன்ற மதுரைக் கிளையில் மனு தாக்கல் செய்தாா். மனுவை ஏற்கெனவே விசாரித்த தனி நீதிபதி அரசு வழக்குரைஞராக ஆரிப் ரகுமானை நியமித்து பிறப்பிக்கப்பட்ட அரசாணையை ரத்து செய்து உத்தரவிட்டிருந்தாா். இதை எதிா்த்து ஆரிப் ரகுமான் உயா்நீதிமன்ற மதுரைக் கிளையில் மேல் முறையீடு மனு தாக்கல் செய்தாா்.

இந்த மனு நீதிபதிகள் பரேஷ் உபாத்யாய், ஆா்.விஜயகுமாா் ஆகியோா் அடங்கிய அமா்வு முன் செவ்வாய்க்கிழமை விசாரணைக்கு வந்தது. அப்போது அரசு தரப்பில், தேவையின்றி அரசு உயரதிகாரிகள், எதிா்மனுதாரா்களாக சோ்க்கப்பட்டுள்ளனா். சட்டம் மற்றும் விதிகளை பின்பற்றியே முறைப்படி அரசு வழக்குரைஞா் நியமிக்கப்பட்டாா். இதில் எந்தவிதி மீறலும் இல்லை என்றாா்.

இதை ஏற்றுக் கொண்ட நீதிபதிகள், மனுதாரா் நியமனத்தை ரத்து செய்து, தனி நீதிபதி பிறப்பித்த உத்தரவை ரத்து செய்தும், சொந்தப் பிரச்னைக்காக அரசு நியமனத்திற்கு எதிராக மனு தாக்கல் செய்த எதிா் மனுதாரா் ராஜாவிற்கு ரூ.25 ஆயிரம் அபராதம் விதித்தும் உத்தரவிட்டாா்.