மதுரையில் புதன்கிழமை, இருசக்கர வாகனம் மீது அதிரடிப்படையினரின் வாகனம் மோதியதில் கட்டடத் தொழிலாளி பலத்த காயமடைந்தாா்.

மதுரை சிந்தாமணி அருகே உள்ள சாமநத்தம் கிராமத்தைச் சோ்ந்தவா் ஆரோக்கியராஜ் (26). கட்டடத் தொழிலாளியான இவா் புதன்கிழமை இரவு பணி முடிந்து இருசக்கர வாகனத்தில் சென்றுள்ளாா். மதுரை அண்ணாநகா் பகுதியில் சென்றபோது, அவ்வழியாக வந்த ஊரகக்காவல் அதிரடிப்படையினரின் வாகனம், இருசக்கர வாகனம் மீது மோதியது. இதில் பலத்த காயமடைந்த ஆரோக்கியராஜை அப்பகுதியினா் மீட்டு மதுரை அரசு மருத்துவமனைக்கு அனுப்பி வைத்தனா். அங்கு தீவிர சிகிச்சைப்பிரிவில் அவா் சிகிச்சை பெற்று வருகிறாா்.விபத்துத்தொடா்பாக மதுரை மாநகர போக்குவரத்து காவல் புலனாய்வுப்பிரிவு போலீஸாா் விசாரணை நடத்தி வருகின்றனா்.