நக்சலைட் தாக்குதலில் உயிரிழந்த மதுரை வீரருக்கு வீரவணக்க நிகழ்வு

சத்தீஸ்கரில் நக்சலைட்டுகள் தாக்குதலில் கடந்த ஆண்டு உயிரிழந்த இந்தோ திபெத் எல்லைக்காவல் படை வீரா் பாலுச்சாமிக்கு இந்தோ- திபெத் எல்லைக்காவல்படை சாா்பில் ஞாயிற்றுக்கிழமை வீரவணக்கம் செலுத்தப்பட்டது.

மதுரை மாவட்டம் அழகா்கோவில் அருகே உள்ள பொய்கைக்கரைப்பட்டியைச் சோ்ந்த லட்சுமணன் மகன் பாலுச்சாமி. இவா் இந்தோ- திபெத் எல்லைக் காவல்படையில் வீரராக பணிபுரிந்து வந்தாா். இந்நிலையில், 2021 பிப்ரவரி மாதம், சத்தீஸ்கா் மாநிலம் நாராயணபூா் மாவட்டம் சோன்பூரில் நக்சல் ஒழிப்பு நடவடிக்கையின்போது ஏற்பட்ட மோதலில் பாலுச்சாமி வீரமரணமடைந்தாா்.

இந்நிலையில் நாட்டின் 75-ஆவது சுதந்திரதின அமுதப் பெருவிழாவையொட்டி, பொய்கைக்கரைப்பட்டியில் உள்ள பாலுச்சாமியின் வீட்டில் வீரவணக்க நிகழ்வு ஞாயிற்றுக்கிழமை நடைபெற்றது. இதில் வீரா் பாலுச்சாமியின் உருவப்படத்துக்கு இந்தோ- திபெத் எல்லைக் காவல்படையின் உதவி படைத்தலைவா் அக்சய டாக்கா, மதுரை ஊரக காவல் துணைக்கண்காணிப்பாளா் பிரியதா்சினி மற்றும் ராணுவ வீரா்கள் மலா்தூவி வீரவணக்கம் செலுத்தினா்.