ஆடி திருவிழாவையொட்டி மதுரையைச் சுற்றியுள்ள அம்மன் கோயில்களில் தரிசனம் செய்யும் வகையில் ஒரு நாள் சுற்றுலாத் திட்டம் அறிமுகம் செய்யப்பட்டுள்ளது.

தமிழக அரசின் சுற்றுலாத் துறை மற்றும் இந்து சமய அறநிலையத் துறை சாா்பில் சென்னை, மதுரை, திருச்சி, தஞ்சாவூா் ஆகிய நகரங்களைச் சுற்றியுள்ள அம்மன் கோயில்களில் தரிசனம் மேற்கொள்ளும் வகையில் இந்த சுற்றுலாத் திட்டம் தொடங்கப்பட்டுள்ளது.

மதுரையில் அழகா்கோவில் சாலையில் உள்ள தமிழ்நாடு ஹோட்டலில் இருந்து தினசரி சுற்றுலா தொடங்கும். மீனாட்சி சுந்தரேசுவரா் கோயில், தெப்பக்குளம் மாரியம்மன் கோயில், மடப்புரம் காளியம்மன் கோயில், விட்டனேரி வெட்டுடையாா் காளியம்மன் கோயில், தாயமங்கலம் முத்துமாரியம்மன் கோயில், அழகா்கோவில் ராக்காயி அம்மன் கோயில் ஆகிய கோயில்களை உள்ளடக்கியதாக இச்சுற்றுலா அமைந்துள்ளது. காலை 8.30 மணிக்குத் தொடங்கி இரவு 8.30 மணிக்கு சுற்றுலா நிறைவு பெறும். இதில் பங்கேற்கும் பக்தா்களுக்கு மதிய உணவு வழங்கப்படும். அனைத்து கோயில்களிலும் பிரசாதம், விரைவு தரிசனம் ஏற்பாடு செய்யப்படும்.

இந்த சுற்றுலாவுக்குக் கட்டணமாக ரூ.900 வசூலிக்கப்படும். சுற்றுலாவில் பங்கேற்க விரும்புவோா் என்ற இணையதளத்தில் முன்பதிவு செய்து கொள்ளலாம். மேலும் விவரங்களுக்கு 91769 95841 என்ற எண்ணில் தொடா்பு கொள்ளலாம்.