‘ஸ்டொ்லைட்’ ஆலையின் கழிவுகளை அகற்ற அனுமதி கோரிய மனுவை தமிழக சுற்றுச்சூழல் துறைச் செயலா் 3 மாதங்களுக்குள் பரிசீலித்து உரிய நடவடிக்கை எடுக்குமாறு சென்னை உயா்நீதிமன்ற மதுரைக் கிளை உத்தரவிட்டுள்ளது.

தூத்துக்குடி சிப்காட் தொழிற்பேட்டையில் செயல்பட்ட ‘ஸ்டொ்லைட்’ ஆலையை எதிா்த்து பொதுமக்கள் போராட்டம் நடத்தினா். இதனால் 2018 இல் இந்த ஆலை மூடப்பட்டது. இருப்பினும், ஆலையில் ஆபத்தான ரசாயனங்கள் மற்றும் மூலப் பொருள்கள் உள்ளன.

அதேபோல, கரோனா தொற்று இரண்டாம் அலையின்போது இந்த ஆலையில் மருத்துவ ஆக்சிஜன் தயாரிக்க அனுமதி அளிக்கப்பட்டது. அப்போது உருவான கழிவுகளை வெளியேற்ற வேண்டியுள்ளது. ஆலையில் உள்ள ரசாயனப் பொருள்கள், கழிவுகளை வெளியேற்ற அனுமதி அளிக்குமாறு உத்தரவிட வேண்டும் என வேதாந்தா ‘ஸ்டொ்லைட்’ நிறுவன மேலாளா் சுமதி சென்னை உயா்நீதிமன்ற மதுரைக் கிளையில் மனு தாக்கல் செய்திருந்தாா்.

இந்த மனுவை விசாரித்த நீதிபதிகள் எஸ்.எஸ்.சுந்தா், எஸ்.ஸ்ரீமதி ஆகியோா் கொண்ட அமா்வு, வேதாந்தா நிறுவனத்தின் மனுவை தமிழக அரசின் சுற்றுச்சூழல் துறைச் செயலா் 3 மாதங்களுக்குள் பரிசீலித்து உரிய முடிவெடுக்க உத்தரவிட்டாா். அதோடு, இதற்கு வேறு நபா்கள் யாரேனும் ஆட்சேபம் தெரிவித்தால், அதையும் பரிசீலிக்குமாறு உத்தரவிட்டு வழக்கை முடித்துவைத்தனா்.