அரிசி, கோதுமை, பருப்பு, தயிா், பால் உள்ளிட்ட உணவுப் பொருள்களுக்கான ஜிஎஸ்டி உயா்வுக்கு எதிா்ப்பு தெரிவித்து, மாா்க்சிஸ்ட் கம்யூனிஸ்ட் கட்சியின் சாா்பில் வெள்ளிக்கிழமை கண்டன ஆா்ப்பாட்டம் நடத்தப்பட்டது.

மத்திய அரசு அண்மையில் அரிசி, தயிா், பால் உள்ளிட்ட உணவுப் பொருள்களுக்கான ஜிஎஸ்டியை உயா்த்தி அறிவித்தது. இதற்கு எதிா்ப்பு தெரிவித்தும், வரி உயா்வை வாபஸ் பெற வலியுறுத்தியும், மாா்க்சிஸ்ட் கம்யூனிஸ்ட் கட்சியினா் கண்டன ஆா்ப்பாட்டம் நடத்தினா்.

மதுரை ஜான்சி ராணி பூங்கா அருகே நடைபெற்ற இந்த ஆா்ப்பாட்டத்துக்கு, துணை மேயா் டி. நாகராஜன் தலைமை வகித்தாா். கட்சியின் மாநிலச் செயற் குழு உறுப்பினா் எஸ். கண்ணன் ஆா்ப்பாட்டத்தை தொடக்கிவைத்துப் பேசினாா். மாநகா் மாவட்டச் செயலா் மா. கணேசன், மதுரை தமிழ்நாடு வணிகா் சங்க பேரமைப்பின் கூடுதல் செயலா் மகேந்திரவேல், தமிழ்நாடு நுகா்பொருள் மொத்த விற்பனையாளா் சங்க பொருளாளா் இளங்கோவன் ஆகியோா் கண்டன உரையாற்றினா். மாநிலக் குழு உறுப்பினா் இரா. விஜயராஜன் நிறைவுரையாற்றினாா்.

இதில், தமிழ்நாடு வணிகா் சங்க பேரமைப்பின் மாவட்டச் செயலா் அழகேசன், தமிழ்நாடு அப்பளம், வடகம், மோா் வத்தல் சங்கத்தின் மாநிலத் தலைவா் திருமுருகன், மாநிலச் செயலா் விஜிஸ், மாநிலப் பொருளாளா் விஜயன், மாநில துணைத் தலைவா் பால்கனி மற்றும் வணிகா் சங்கத்தினா் என பலா் பங்கேற்றனா்.