மதுரை காமராஜா் பல்கலைக்கழக கல்லூரி பொருளியல் துறைத்தலைவா் மீது மனித உரிமை ஆணையம் மற்றும் தேசிய மகளிா் ஆணையத்தில் மாணவி புகாா் அளித்துள்ளாா்.

மதுரை அழகா்கோவில் சாலையில் காமராஜா் பல்கலைக்கழகக் கல்லூரி இயங்கி வருகிறது. இங்கு 5 ஆயிரத்துக்கும் மேற்பட்ட மாணவ, மாணவியா் பயின்று வருகின்றனா். இந்நிலையில் கல்லூரியில் இளங்கலை பொருளியல் துறைத்தலைவராக பொறுப்பு வகிக்கும் உதவிப்பேராசிரியை ஒருவா், மாணவ, மாணவியரை அவதூறாகப்பேசுவதாகவும், தோ்வு எழுத விடாமல் தடுப்பதாகவும், இவரது நடவடிக்கையால் 6-க்கும் மேற்பட்ட மாணவா்கள் படிப்பை விட்டு நின்று விட்டதாகவும் புகாா் எழுந்தது. மேலும் இதுதொடா்பாக பல்கலைக்கழக துணைவேந்தா் மற்றும் கல்லூரி முதல்வரிடம் புகாரும் அளிக்கப்பட்டுள்ளது.

ஆனால் புகாா் மீது நடவடிக்கை எடுக்கப்படாததால், துறைத்தலைவரால் பாதிக்கப்பட்ட மாணவி ஒருவா், தேசிய மகளிா் ஆணையம், மனித உரிமை ஆணையம் மற்றும் முதல்வா் தனிப்பிரிவு ஆகியவற்றுக்கு புகாா் அனுப்பியுள்ளாா்.

அதில், கல்லூரி துறைத்தலைவா், தன்னை இதர மாணவா்களுடன் சோ்த்துவைத்து தனது நடத்தை குறித்து அவதூறாக திட்டியதாகவும், மேலும் வகுப்பறை கட்செவி அஞ்சல் குழுவிலும் நடத்தை குறித்து பதிவு செய்தாா். மேலும் தனது பெற்றோரையும் வரவழைத்து அலைக்கழித்து அவதூறாகப் பேசி தன்னை தோ்வு எழுதவிடாமல் தடுத்தாா். இதுதொடா்பாக நிா்வாகத்திடம் புகாா் அளித்தும் நடவடிக்கை எடுக்கவில்லை. எனவே, கல்லூரி நிா்வாகம் மற்றும் துறைத்தலைவா் மீது உரிய நடவடிக்கை எடுக்க வேண்டும் என்று புகாரில் தெரிவித்துள்ளாா்.