குற்றப் பத்திரிகையில் காவல் உதவி ஆய்வாளா் பெயரில் போலி கையெழுத்து: வழக்கை சிபிசிஐடி க்கு மாற்றி உயா்நீதிமன்றம் உத்தரவு

திருச்சி மாவட்டம் தூவாக்குடி காவல் நிலையத்தில் ஒரு வழக்கு தொடா்பாக விசாரணை நீதிமன்றத்தில் தாக்கல் செய்யப்பட்ட குற்றப் பத்திரிக்கையில் காவல் உதவி ஆய்வாளா் பெயரில் போலி கையெழுத்திட்டதால், இந்த வழக்கை சிபிசிஐ டி விசாரிக்க சென்னை உயா்நீதிமன்ற மதுரை அமா்வு வியாழக்கிழமை உத்தர விட்டது.

திருச்சி மாவட்டத்தை சோ்ந்த வெங்கடேசன் தாக்கல் செய்த மனு: கடந்த 2017 ஆம் ஆண்டு நில ஆக்கிரமிப்பு தொடா்பான பிரச்னையில் தூவாக்குடி போலீசில் புகாா் அளித்தேன். அதன் பேரில் 3 போ் மீது காவல் உதவி ஆய்வாளா் நாகவள் ளி வழக்கு பதிந்தாா். பிறகு அவா் நிா்வாக காரணத்தால் வேறு காவல் நிலையத் திற்கு இட மாற்றம் செய்யப்பட்டாா்.

அந்த இடத்திற்கு காவல் உதவி ஆய்வாளா் தீபா நியமிக்கப்பட்டாா். அவரும் இந்த வழக்கை விசாரிப்பதற்குள் வேறு காவல் நிலையத்திற்கு மாற்றப்பட்டாா். இந்த வழக்கு தொடா்பான குற்றப்பத்திரிகை திருச்சி மாவட்ட நீதிமன்றத்தில் தாக்கல் செய்யப்பட்டது. அதில் விசாரணை அதிகாரியாக தீபாவின் கையெழுத்து இடம் பெற்று இருந்ததால், அவரை சாட்சியாக விசாரிக்க நீதிமன்றம் அழைப்பாணை அனுப்பியது. அதன் பேரில் நீதிமன்றத்தில் முன்னிலையான காவல் உதவி ஆய்வாளா் தீபா, அந்த வழக்கில் நான் எந்த சாட்சிகளிடமும் விசாரிக்கவில்லை. குற்றப்பத்திரிகையில் எனது கையெழுத்தை வேறு யாரோ ஒருவா் போலியாக போட்டுள்ளதாக தெரிவித்தாா்.

எனது புகாரின் பேரில் பதிவான வழக்கின் போக்கை திசை திருப்பும் வகையில் குற்றப்பத்திரிகை தாக்கல் செய்யப்பட்டு உள்ளது. இந்த வழக்கை உள்ளூா் போலீஸாா் விசாரித்தால் உண்மை வெளிவராது. எனவே சிபிசிஐடி போலீஸாா் விசாரிக்க உத்தரவிட வேண்டும் என அவா் கோரியிருந்தாா்.

இந்த வழக்கை விசாரித்த நீதிபதி என். ஆனந்த் வெங்கடேஷ் பிறப்பித்த உத்தரவு:

இந்த வழக்கினை மறுவிசாரணை நடத்த உத்தரவிடுவது அவசியம். முன்னதாக, மனுதாரா் வழக்கில் குற்றப்பத்திரிகை தயாா் செய்தது யாா்? விசாரணை அதிகாரி பெயரில் போலி கையெழுத்து போட்டது யாா்? என்பதை கண்டறிய வேண்டியுள்ளது. இது குறித்து மறுவிசாரணையின்போது விசாரிக்கப்படும். உண்மை தெரிய வரும்போது, சமபந்தப்பட்டவா்கள் மீது உரிய நடவடிக்கை எடுக்கப்பட வேண்டும். எனவே திருச்சி மாவட்ட நீதிமன்றத்தில் நிலுவையில் உள்ள மனுதா ரா் வழக்கு ரத்து செய்யப்படுகிறது. இந்த வழக்கை திருச்சி சிபிசிஐடி போலீஸாா் விசாரிக்க உத்தரவிடப்படுகிறது. இந்த வழக்கை மறு விசாரணை நடத்தி 3 மாதத் தில் இறுதி அறிக்கை தாக்கல் செய்ய வேண்டும். சம்பந்தப்பட்ட விசாரணை நீதிமன்றம் விரைந்து விசாரித்து முடிக்க வேண்டும் என்றாா் நீதிபதி.