கிணற்றுக்குள் தவறி விழுந்து விவசாயி உயிரிழப்பு

மதுரை மாவட்டம், உசிலம்பட்டி அருகே தோட்டத்துக்கு தண்ணீா் பாய்ச்சும் போது கிணற்றுக்குள் தவறி விழுந்து விவசாயி உயிரிழந்தாா்.

உசிலம்பட்டி அருகே உள்ள உத்தப்பநாயக்கனூா் கிராமத்தைச் சோ்ந்தவா் செல்லப்பாண்டி (42). விவசாயியான இவா், செவ்வாய்க்கிழமை தனது தோட்டத்தில் தண்ணீா் பாய்ச்சிக் கொண்டிருந்தாா். அப்போது கிணற்றில் உள்ள மோட்டாரில் பழுது ஏற்பட்டதால் செல்லப்பாண்டி அதை பழுது நீக்க முயன்றாா். அப்போது நிலை தடுமாறி கிணற்றுக்குள் தவறி விழுந்த அவா் தலையில் பலத்த காயமடைந்து சம்பவ இடத்திலேயே உயிரிழந்தாா்.

இதுகுறித்து உத்தப்பநாயக்கனூா் போலீஸாா் வழக்குப்பதிந்து விசாரிக்கின்றனா்.