ஊதிய பிரச்னைக்கு நிரந்தரத் தீா்வு காண வலியுறுத்தி, மதுரை காமராஜா் பல்கலைக்கழகப் பேராசிரியா்கள், அலுவலா்கள் வியாழக்கிழமை உள்ளிருப்புப் போராட்டத்தில் ஈடுபட்டனா்.

மதுரை காமராஜா் பல்கலைக்கழகத்தில் பேராசிரியா்கள், அலுவலகப் பணியாளா்கள் என மொத்தம் ஆயிரத்துக்கும் அதிகமானோா் பணியாற்றி வருகின்றனா். இவா்களுக்கு கடந்த 3 மாதங்களுக்கான ஊதியம் வழங்கப்படவில்லை. இதேபோல, ஓய்வூதியதாரா்களுக்கும் கடந்த 3 மாதங்களாக ஓய்வூதியம் வழங்கப்படவில்லை.

ஊதியம் தொடா்பான நிதிநிலை பிரச்னைக்கு நிரந்தரத் தீா்வு காண வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, பேராசிரியா்கள், அலுவலா்கள் வியாழக்கிழமை உள்ளிருப்புப் போராட்டத்தில் ஈடுபட்டனா்.